* * * 象式未平，十式又起 * * *

等Pan兄report

鋼差速齒到手！
再次感謝 DKLM RC 協助！！

panerai 發表於 2016-1-19 18:37
鋼差速齒到手！
再次感謝 DKLM RC 協助！！

wow ! Carson兄幫到手喎

呢個鋼差速，鋼pinion gear 簡直係一勞永逸之作,
300%安心

其實曰本仔啲膠齒都好襟用, 我部2A6都玩咗7年都冇掃齒。

Barry28 發表於 2016-1-21 13:52
其實曰本仔啲膠齒都好襟用, 我部2A6都玩咗7年都冇掃齒。

係，我都想知點解要換網齒，我都未掃

有乜情況去操架車先會掃呢？

我代阿pan答 :
首先，未掃唔代表唔會掃，之後換就大工程，好似2A6咁，有排搞 !
其次，金屬option件係情意結，，，，啱嗎？

玩爛先換，係理性、節儉、既做法，值得讚賞
不過亦有其成本：花時爆散、清潔維修、擔心有朝一日掃齒。

砌車果陣時換埋，只係花費、求安心、滿足心理需要既做法，
不值得仿效

但我個人好享受立即更換既過程

正經d講.....

掃唔掃，睇彩數、睇你點玩，好難保証，好難肯定，不過有老外拍埋片上網，講自己部2a6掃齒既問題以及換鋼齒過程，即是呢樣嘢係絕對會發生。

正如有車長部2a6 一落地就斷原裝膠豬腳，有d車長玩左兩年原裝膠豬腳都未爛一樣，換唔換，好視乎自己點睇果件部件既重要性、可靠性。

我夠膽講，套鋼差速齒、pinion gear，
換左一定比膠齒穩陣、可靠、耐用，
而且比力既反應，鋼齒亦應該會優於有彈性既尼龍膠齒。

對我黎講，
田宮2a6/十式 呢個雙流設計波箱 喺1:16坦克組別黎講的確已經數一數二，加多區區數百元換埋套鋼齒，近乎堪稱完美！

懸掛系統用既啤呤已有配齊附運中，
又係多謝 DKLM 代勞！

但比 路輪 用既 法蘭啤呤 flanged bearing 尺寸怪異，
Email 問九龍啤呤都話冇咁既size ，各位師兄有冇門路可再查詢/入手？

懸掛用啤呤到手，安裝前先要lower hull做上色、舊化，當然，又係用小弟既專用色

顏色乾透，組裝懸掛，
十式個懸掛真係要讚！

之前砌過既6、7部星星坦克，部部既原裝懸掛torsion bar 都係過硬，行走障礙物時彈彈跳跳！
絕不像真，要添加IMPACT 出品既昂貴torsion system 先至有一流效果。

呢套原裝十式懸掛，效果直迫 Impact !!
留意組裝時，近波箱尾二既懸掛彈簧係反方向形成組裝，達致加硬效果去承托雙流波箱既重量。

據聞DKLM RC 好有機會為十式套 路輪開模，cast 金屬版本！
咁我就暫停制作原裝膠路輪及配置走珠法蘭啤呤了。

現打算開催upper hull d 手作嘢，
據下面借圖了解，十式外殼有大量扶手，
星星 cut cost 揸流灘冇晒，仲要好低能咁鑄一條凸起物就算，故此大約 160 個扶手要重新制造，
我打算用鋼琴線黎整。

另外，十式外殼上既防滑沙面因星星鑄模不太明顯，故此都要用120沙紙剪貼落去以求逼真，未正式統計，但應該有70至80塊要量度製作，黎緊既兩個月，將會極度重複、痛苦！

panerai 發表於 2016-1-29 12:31
據聞DKLM RC 好有機會為十式套 路輪開模，cast 金屬版本！
咁我就暫停制作原裝膠路輪及配置走珠法蘭啤呤了 ...

我見Ｄ模型書做坦克防滑可用膠水加沙做，你可考慮，
本書我都係大眾買，幾有用，講作現代坦克模型

skyhawk 發表於 2016-1-29 15:11
我見Ｄ模型書做坦克防滑可用膠水加沙做，你可考慮，
本書我都係大眾買，幾有用，講作現代坦克模型
...

Thanks sky兄！

堆沙對我黎講可能更加有難度，
因為沙紙可直接選擇粗幼程度，剪貼形狀，
不過用咩膠去黏合沙紙同膠面反而值得考究，見實物邊位都係膠跡佈滿及粗糙，
用AA膠可能太薄，OK膠/UHU膠應該會夠厚夠黏，但會有熔膠效果，要細心處理黏合過程。

又開工！十式走線，的確比以前任何一隻星星黎得完善

開始做upper hull 膠料嘢、手作嘢，前幅為方面打開調整idler 鬆緊，星星用左磁石黎固定，言而因需要與 金屬底兜接合，膠料駁口有明顯離隙。
要用熱風吹軟，稍稍屈曲微調，fit 晒！

今晚緩慢完成35隻手抽

panerai 發表於 2016-2-1 00:07
今晚緩慢完成35隻手抽

Pan兄作品，必屬佳品

做得好细致啊！为我做车积累了宝贵经验！