|
多謝Yoda為我在Whatsapp group留言節錄了我同新手分享的心得 ：
我覺得一開始唔好將目標定太高，要可達到然後再set高D. 最初定例如5-10圈要完全冇撞，到20圈或以上唔撞先開始練圏速。一開始追求圈度係冇用，應該先追求穩定, 要唔撞先可再追求更靚缐位及精準既收比油時間，慢慢refine自己操控技術，圏速自然會快又平均。
就算比人慢，亦可安然比快車過，穩穩定定，不會因為后車快過你而緊張，新玩呢幾點係首要。新人很多時因為后車快到而左閃右避怕阻住人 < 切記不要咁諗，后車技術比你高，只要你穩定不是左擺右擺，后車會自己找到位及機會過你.
新人亦常感到后車像在后面迫你而加速至自己不能控制而撞 < 切記不要咁諗，作為一個新人，后車比你快係好正常事而唔係迫你要快D, 每個人的進度及能力都不同，都係果句揸番自己最穩定，不要試圖刻意加快或左擺右擺，無論你怎樣，快車最終都會過你，倒不如揸番自己的程度及能控制範圍，技術進步都不是一朝一夕，耐心一點慢慢便會進步。
以上兩點新人要好好記住，係對新人最須要的道理/心理。如你慢慢做到這兩點已擁有80%所須技術，距離跟上高手日子不遠。
技術上Yoda一直很信我，我記得最初我將high point減至40-50%同佢玩，佢都係追唔到我。目的係想佢知道他欠的不是車速，而是技術。佢之後好勤力苦練，現在已經快過好多比他玩得耐既車友。
新人最好可約埋其他新人一齊玩，程度相約就可pair下冇咁悶自己一個跑又未跟到D高手。幾個新人一齊操下pair下，互相扶持，一齊進步。開始穩定少撞我會睇到的，到時就像同Yoda最初一樣，我及其他高手可減high point同你地一齊pair下操下，但記得我不是要求你地要快，而是要穩定少撞唔緊張，大家就可以一齊pair下happy下。
你睇A組車手就知，A頭的係可以8min唔撞或好輕微撞。穩定永遠係首要，穩定后才能做好平均圈速。一圈9秒，一圈撞三次18秒, pair唔到車的。我覺得成班車友每星期一齊pair車係玩車最大樂趣。
新人掌握后一定要傳承下去給另的新人，呢個係我分享給你地的另一個目的。很多高手可能自己要爭取時間玩, 試新野, set-up, 冇系統唔識教或太主觀而沒有傳承下去，新人無從入手學習。上到場玩發覺自己差好遠，可能又怕羞唔敢主動請教，又比D快快地但又盲盲地或唔肯就下新人的車射到飛起，冇哂mood索性放棄， 玩mini新人就變得越來越少。
新人比心機，明白一圈比人過幾次唔好受，但我想話你地聼我都做過新人，很明白係點。始終沒有方法即成，開始時個個都係要浸番來，沒有shortcut, 所以大家努力，我永遠都支持新人！
| 
樓主: GTRTam
[複製鏈接]
樓主
