好正的控 Traranis x9D

真的很正，可任意set 任何button 去就自己控制，千零元，正

Receiver 容易買嗎?

RGM-111 發表於 2016-6-8 10:22
Receiver 容易買嗎?

FrSky 接收唔難買到。

deleted!

RGM-111 發表於 2016-6-8 10:22
Receiver 容易買嗎?

淘寶好多

請問師兄個控係響邊度買嘅呢 ?

淘寶

呢隻牌子鬼老嘅評價都幾好，但一去到咁嘅價錢，淘寶會唔會有假貨呢 ？

剛剛都買咗，冇玩五六年個遙控模型圈生態變咗好多，學點用個控竟然要讀大學 （ Open TX U）

youtube and open TX 我睇了差不多兩星期
突別是使用 telemetry
非常好用，可在控睇晒有關飛控資料
勁

RC_FANS 發表於 2016-6-15 06:10
呢隻牌子鬼老嘅評價都幾好，但一去到咁嘅價錢，淘寶會唔會有假貨呢 ？

淘寶假貨比真貨好 XD

RC_FANS 發表於 2016-6-25 16:01
剛剛都買咗，冇玩五六年個遙控模型圈生態變咗好多，學點用個控竟然要讀大學 （ Open TX U）
...

我都係，上一枝控Futaba 14MZ仲要拉天綫嘅，幾難搣甩舗癮依家又舂返個頭落去，但控同動力系統所有嘢唔同晒，要重新開始。

至於呢枝控都有買，都係睇咗外國評論好似幾好咪買枝睇吓，但買咗兩個月擺喺度一次都冇用過，太複雜又唔易用，個program好聽就話有彈性現實就係冇人去諗個user interface。嗰兩枝棍又唔順，開盒教彈弓後竟然一邊棍會突然俾乜都唔郁但唔郁棍會自己俾嘢好得人驚，之後發現原來個插接觸不良，自己搞完一輪整返好，但如隻機上咗天先發現就死梗。
所以，就算大家都大6做，人地Futaba做工好，QC好，一分錢一分貨，就算千零蚊嘅四軸仔我都唔搏用返枝18仔，炒機因死控就係最唔抵，且又唔係貴又唔係好似電話咁年年轉款，炒一隻機分分鐘唔只啦！

大陸控.........................

大6控對小弟唔係問題, 反正隻機都係全大陸件,就算炒咗都損失有限. 因為價錢低, 第日想換控或唔玩嘅話放出去大把人要.

但呢個控真係好複雜, 由枝棍仔到個接收ch 嘅 mapping, 竟然要過兩關, 第一關係棍仔 -> 所謂"input" 嘅 mapping, 跟著再到 input -> 接收 ch 嘅 mapping. 每一關嘅 mapping 都有 N 個 parameters, 駛唔駛呀 ?! 基本概念, 棍仔咪就係 input 囉, 用 input 去 define 另一堆 input 先至到 output ? 相信對好多老手嚟講呢個都係新嘅概念.

仲有就係D menu 嘅編排好亂下, 冇咩邏輯, 你要死記邊D功能係邊個 menu, 同埋每嘅 menu 點樣打開, 小弟冇電腦恐懼症, 但都覺得有D抗拒. 但對一D做特別嘅 DIY project 嘅人呢部控嘅靈活性基本上係無可取代.

傻傻一問，如果玩穿越，咁多制有乜用？通常會set咩功能？

yoowicked 發表於 2016-6-29 11:07
傻傻一問，如果玩穿越，咁多制有乜用？通常會set咩功能？

尋晚 set 咗第一個開關愛嚟 arm / disarm 個飛控, 其他功能諗著用嘅包括 fail safe test, 揀 flight mode, 改參數等等.

RC_FANS 發表於 2016-6-29 10:34
大6控對小弟唔係問題, 反正隻機都係全大陸件,就算炒咗都損失有限. 因為價錢低, 第日想換控或唔玩嘅話放出去 ...

炒爛機當然冇問題，上得天就預咗落嚟，但因為衰控炒落嚟有傷人損物就唔同，所以飛得起嘅模型枝控嘅可靠性好緊要。

至於枝Taranis控，佢呢樣mapping懶有彈性其實多舊魚，廿幾年前Futaba 9Z WC已經做到，唔係乜特別。人地Futaba係有個user interface俾你做，要複雜又得，要簡單亦得。呢隻嘢，個software係open soft所以唔要求得咁多，但硬件整部老翻n年前 JR 9仔嘅外殼（但佢冇老翻佢最好用個轆）加多幾個channel跟住load個open software就攞去賣都可謂慳水慳力之作，要話佢係“好正的控”真係講唔出口

依家唔同舊時啦, 依家好多公司都講緊 Digital Transformation, JR 同 Futaba 嗰D咩都自己做嗮嘅舊商業模式遲早會被淘汰. 依家做生意係講可唔可以做到一個共贏同埋有規模嘅生態圈, 好似電話D Apps 咁, D 介面可以做到好正, 如果只係電話製造商開發軟件就死硬. Taranis ( 應該話係 Open Tx) 個介面做得咁差係因為佢個生態圈唔夠大, 唔係因為 open source 嘅緣故. Open source 係大勢所趨, Frsky 係行緊正確嘅一步.

blackshark3 發表於 2016-6-29 14:32
炒爛機當然冇問題，上得天就預咗落嚟，但因為衰控炒落嚟有傷人損物就唔同，所以飛得起嘅模型枝控嘅可靠性 ...

Futaba -------有錢人恩物
Frsky----------窮人恩物

好唔好，見人見智，請勿取笑他人意見，冇禮貌、冇品、冇建設性

edmondyp 發表於 2016-6-29 16:08
Futaba -------有錢人恩物
Frsky----------窮人恩物

我話嗰枝控唔係“好正的控“就係冇品冇禮貌？你都幾好笑喎！我只係講咗嗰枝控嘅缺點，你接唔接受唔關我事，但你玻璃心話人就有品有禮貌？