XQ1S開箱

defcone 發表於 2018-5-8 12:04
飛仔JV常客

到時隨手問佢攞件?
唔駛錢呀?哈哈!

頭懸掛組裝好順利，膠件好準確，零虛位。

之前有人comment隻轉向杯用一粒螺絲問題，佢膠件有定位係到，一粒螺絲其實夠晒。
如果係炭纖都係卡位形式，應該問題不大。

相比起頭懸掛，尾懸掛就冇咁順，應該要做小小打磨先得。

臂碼係fix死，冇波頭或膠料俾你調整用。
另外原係有約0.5mm虛位。

由放xpress盃唔俾改，所以只能由佢虛，唔加得shim片。

如果係一般玩車，就可以自行落返攝片。

UPDATE: 問過XPRESS方面，可以攝SHIM......

轉向都係全膠，但勝在行啤零。
由於係膠，扭螺絲扭唔好亦有機會扭到歪咗。
所以扭時要小心，亦都要上實。

Servo座設計，個人都有小小擔心。
因為只係告兩粒3x6支撐住成個servo同成份轉向。轉向只係上住servo上面果份，冇落到底板。
如果俾人攔腰接一下個servo座有偏到，咁就成個轉向都會變得鬼鬼地。

呢個俾人撞完真係要check。

膠造油壓司，有啲擔心。
因為扭得太大力係會滑牙，滑咗牙就麻煩。

由於比賽唔俾換，所以只能小心，唔好成日換油壓油。

UPDATE:我自己個司筒真係滑咗一個牙要換。但呢個問題係可以透過一個手續去避免，就係未落油前先扭個油壓蓋上去，FIT好位同等順咗牙先，之後先再落油嚟扭，咁樣可以避免落晒油又有油壓肺時因為扭唔正果下，扭滑牙。始終佢係用膠造，係要小心留意。

好耐冇玩抽真空……哈哈

AMAT 發表於 2018-5-9 13:11
Servo座設計，個人都有小小擔心。
因為只係告兩粒3x6支撐住成個servo同成份轉向。轉向只係上住servo上面果 ...

兩條柱可以收底板果兩個隆

defcone 發表於 2018-5-9 18:16
兩條柱可以收底板果兩個隆

直接裝落底板？
返屋企試下。

小插曲

遇到以下零件有問題，即刻Facebook message返Xpress方面。

即日都有零件換返。

NICE!

上去RC Mart時順便入埋零件。

個膠直濕杯已經有貨！

不過聽聞中最易爛嘅前bumper架，就仲未有。

係RCmart遇到飛仔，原來servo座係上三粒螺絲，唔係兩口。自己睇錯～

上到三口應該都夠硬淨冇問題。

跟據意見，唔跟說明書，將轉向柱裝返落底板。

係裝拆過程都發現，如果裝係servo T板到，拆servo時會超麻煩同大鑊，所以都係落返底板好。

但呢支servo柱唔易裝，因為係膠，超難扭。柱身有個4mm厚平位，但原裝係冇工具可夾住。跟有支4mm膠士巴拿，但太厚夾唔到落去，要用支田宮士巴拿嚟固定，唔係完全扭唔到。

幾經辛苦終於搞掂。

說明書冇講，但安裝servo要注意。
如果servo裝貼個t板，當你裝好晒之後會發覺轉灣推桿刮二樓板。

所以一定唔可以裝貼T板。呢下要小心。

尾杯最後都係要磨一磨，唔係真係太緊。
磨完鬆咗正好多。

鈦螺絲用晒入返啲……雖然呢到成百粒，但硬係覺得好似好少……

買咗xpress xq1三節棍發覺唔啱裝！

James_yhk3 發表於 2018-5-10 19:56
買咗xpress xq1三節棍發覺唔啱裝！

佢都冇話啱XQ1S用～

由於原裝116用10.5T，最細都係得5.8，同埋據有車手稱用116易食石仔，仲有xpress盃俾換大齒，所以都係換做110。

係屋企一摷，全部田宮四孔……

唯有買幾隻yeah racing旁身。