Kodo HT1試砌

砌完XQ1S下一架會砌佢。

雖然Tresrey個牌子就冇咗，但架車其實係VBC Ghost18嚟(唔記得係賣盤定收購.....定係本來就係VBC.....)，亦都仲買到parts。

小小舊，但有得玩/砌唔好晒～ ：）

所以大家可以當佢係GHOST18嚟去睇。

佢同GHOST18最大分別，應該只係顏色。
當然，佢套臂亦都係唔同。但係睇返說明書情況，VBC GHOST18套臂係可以係HT1用返，只係到時你一套要左右換晒唧。

是否平過VBC？

wankalok 發表於 2018-5-9 19:39
是否平過VBC？

如果以Ghost18 VBC官網價美金199嚟計，咁係平過。

但我都唔知家陣廣華街賣幾錢。
同埋架車應該得返鍵全可能仲有貨......

打敗仗感冒，既然係咁就砌佢。

第一個先發現，個直濕係膠嘅。

膠係咪一定唔得，唔敢講。自己架XQ1S都用緊，要試耐啲先知。

說明書算係清晰，但有小問題，會再講。
包裝方式跟我話一個step一包咁做，唔會攞錯，呢下幾好。

但佢有一啲幾大問題遺漏性錯誤，砌落再講。

精美貼紙同介紹

前後波箱又係共用款，都應該係近期常見設計。

我通常未上二樓架前都唔扭實，因為扭實上二樓板有機會扭住。

呢個係第一發現問題，就係大齒座冇講邊面向出，佢一邊有頂啤鈴位一邊冇，好容易就會裝錯 ，說明書完全冇標示。

個啤鈴頂位要向出。

要小心留意。

睇到佢隻直濕pulley寫住VBC，就即係共通。

但又係咁，佢pulley係有分左右，兩邊深度不一，但說明書冇寫用邊面。最後又係要靠砌咁多年車經驗去分左右。

深啲果邊係長果邊，淺啲果邊係短果邊。

膠嘅直濕杯，不過佢係十字型，用蝕一邊可用另一邊，延長使用壽命。

齒差杯冇乜大特別嘢，同坊間其他牌子差唔多。不過原裝跟嘅只係1000W油，只係啱低抓著力地用。理論上都啱渡船街，但JV最好換3000至5000W。

今次我就唔換，因為想試全原裝效果。

轉向唔係一般用嘅方式，係用啤鈴夾住一條桿去做。

記得以前都有其他車用過，但效果唔理想。因為佢果條係直嘅。

HT1用嘅係微弧，可以減少轉到灣盡時有左右比例差太遠情況。

我大約咁同Xpress比，應該就差唔多，但感覺呔角HT1可能少1-2度。因為要俾左右有個波頭位頂住。
相反用田宮或XPRESS果種就冇呢個問題。

會唔會令佢唔夠轉呢?唔知，要試車先知。

呢個設計另一大缺點係，如果件弧形件用耐咗磨損，咁就會成為轉向虛晒，係冇得救果隻。
但係田宮果種就唔會有咁O既問題。

但睇樣呢，係幾靚O既。

唔知大家點扭推桿呢？用個士巴拿仔慢慢扭？

有冇試過扭到支推桿花晒唔靚仔？又或者扭到手痛？

介紹大家呢個工具，有咗佢就唔會扭花鋁推桿，更唔會扭到手痛，非常好用～
https://item.taobao.com/item.htm ... &id=25987960866

另，HT1原裝跟車係全鋁7075推桿，仲係FLUORINE COAT波頭。但唔知點解要跟膠直濕......唔通膠直濕真係又襟又好用?

原裝用Kawada 110大齒。
理論上我估最大係112至113左右。

再大會刮底板，因為佢底板係冇開窿。好處係小入沙石，唔好處係用唔到更大嘅齒。

好喇，放drive train同二樓板時，發現佢有一個致命遺漏，就係冇講到皮帶tension個頂位係邊，我搵均本說明書都冇寫。

最後係靠經驗搵到原來有個窿裝一粒2mm螺絲落去嚟頂。

我之後再睇返Ghost18說明書，係真係咁用。
https://cdn.shopify.com/s/files/ ... 9803874486137274996

呢個遺漏其實幾大件事，因為唔知的話就咁裝，有機會搞到行車時皮帶過拉或過鬆，個直濕或齒差左右高低不平，咁就架車加速有問題，甚至斷皮帶。

另一個問題係，就算有皮帶tension頂位，但佢完全冇講tension setting由邊個point開始。我只能靠經驗慢慢試個鬆緊。呢一下對新玩車嘅唔係太理想。無論Tresrey或VBC說明書都冇講。

Anyway，最好download埋VBC ghost18說明書對比安全啲。

另一個又係冇講嘅，downstop扭幾多。
睇返Ghost18說明書先有講。

未睇前就靠經驗set返佢水平先，度準左右。

轉向杯有分上下，又係冇講邊到上邊到，真係靠估。

VBC版本ghost18聰明咗，用冇分上下嘅轉向杯，咁就冇事。

大至上砌好晒啲臂同驅動。

HT1原裝臂應該唔係加硬。想買加更應該就冇一樣。

但可以買WILDFIRE D09或D10套臂嚟換晒落去。個人就覺得D10套臂O岩用過D09，雖然GHOST18係用D09套臂。
不過無論D10或D09，都有機會可能要換晒啲C座尾杯等等配件。

我會得閒去買套返嚟對比下。

砌油壓，問題比較小。

原裝油壓油350，感覺比較稀，不過照用先。

油壓pre load圈有mark，幾方便。