你覺得用30A充電係爆電主因嗎？

https://youtu.be/zd9BXg6E8_0

Youtube上有討論認為用30A充電係會爆電，唔應該教大家用高電流充電。

大家覺得係咪必然正確呢？玩stock用緊i charget充機嘅朋友點睇？

個人而言，果位朋友講嘅話大電流充電係at your own risk。我會話，無論充1A定30A都係at your own risk。因為遙控車本來就係將啲配件推到接近極限玩意嚟。玩咁多年，睇住燒摩打，燒電變，爆電多的是。所以話大電流充係at your own risk，其實玩遙控車本來就係要at your own risk。

講返個topic，你又覺得係咩原因爆呢？

我個人認為：
排電漲咗都照充
冇做平衡死充
根本就set錯部機嚟充
唔啱C數夾硬充

大家又認為點解呢？

當然，無論用1A定30A充，都應該要用防爆袋嚟做安全措施。

充电吾趕時間最好用標準电流充,大A充电,就因电池反应大左而爆開,大A充电物質會產生氣体(漲电机會就大)。

我咁睇
路係自己揀
_ _唔好喊

所以我都係用返1C差電

電流,電壓用依家既差機可以谷到好大
但你買返黎果粒電既物料係點冇人知
有咩反應冇人知
差到爆炸燒倉就無謂la

電池全新狀態良好時用5c去差原則上無問題，但稍有損耗内阻增加後如何減差电上限c數，可參考資料基本上為零，保險些小內阻稍為增加後(1.5-2.5ohm)差电上限減至3C個人認為仍然安全
然後靚差电机軟件亦重要，硬件其他廠好易copy, 但軟件各項運算照抄並不容易，抄得衰寫得衰相信亦是引爆电池其中一項重要原因

我細膽所以無論全新或已充放２，３拾次都係用1C充，如昨天買了塊三輪車新電2200MA 100C，就用2000MA充，電池脹的不充放做樣辦俾人睇乜嘢叫脹電。

30A 充, 除左快，有咩實際好處？

warehouse 發表於 2018-6-25 01:08
我細膽所以無論全新或已充放２，３拾次都係用1C充，如昨天買了塊三輪車新電2200MA 100C，就用2000MA充，電 ...

2200ma100c,用1c充电都勁了。

warehouse 發表於 2018-6-25 01:08
我細膽所以無論全新或已充放２，３拾次都係用1C充，如昨天買了塊三輪車新電2200MA 100C，就用2000MA充，電 ...

真的有100c?有有用过100c放电

唔係我作架，171蚊塊電lable印字: Premium Power 100C 7.4V 2200mAH Lipo Battery ，呢100C係瞬間放電理論數據掛。

意思我細膽穩陣起見充電電流按電池容量如2000ma就用2000ma充，如電池5000ma就用5000ma充，就唔用防爆袋包住充。

其實究竟市面電池上面寫幾多C，係瞬間定係連續，其實係一直都冇一個公論話係邊樣，講得衰O的係廠O既定義嚟。(賣過鋰電O既人講O既說話)

因為大家試諗下七八年前O的鋰電，先寫住係10C, 15C，如果計當年O的鋰電先果4500-5000MAH，先果75A，但當年啲電變都120A喇(呢個真係瞬間)，咁咪即係死得?
又或者宜家有O的寫住100C，但就已經講緊6000MAH甚至10000MAH，咁用6000MAH計，咪成600A!?又有冇電變可以做到先?

所以呢個只可以話係廠俾大家O既一個指標，話佢排電大約O既能力，只可以作為參考。

至於最近多咗一個Wh係乜......其實只係又係一個參考，個數係等如你MAH果個數乘返7.4V。

*****************************************************************************************************************************************

好喇，至於話30A充電O既問題，如果你去問下玩STOCK O既朋友，好多都用緊25至30A充電架喇。
用呢個數充電唔係因為為咗快，係因為為咗令排電爆啲(唔係爆炸果種爆)。
其實外國果邊都已經做過晒測試，就係一排電係30A放電同充電情況下，佢係會降低排鋰電池O既內阻，可能本來係5mΩ，降低至2mΩ。
電阻低咗，咁就自然令排電輸出快O的，亦都令排電放起車上嚟爆好多。
但呢個過程多數係買返嚟做，之後降低咗就會用返20-25A咁上下充，但個步驟係咁做。

有版友講話用內阻嚟睇，其實可以作為參考，亦都係因為呢個原因好多機宜家都有得睇內阻。

但如果你又睇返MODIFY啲人會唔會咁做呢?佢地係唔會用，因為佢地已經用快摩打，同埋佢地要求電池輸出係要平均，佢地係要平均地快，唔係爆。

即係話，呢個電好爆只係短暫性，亦都唔平均。STOCK用係因為STOCK車速唔係好快，要用爆幾圈嚟攞優勢。

*****************************************************************************************************************************************

然後又去返30A充放會唔會爆電。如果係好好睇住佢睇埋只係要嚟降內阻下，係唔會。(但世界唔會有保證，你5A充都有機會會爆。)
但如果你明知排電漲晒都咁做，又唔睇住。咁就好危險喇。
同埋最重要一點，你set 30A唔等如部機就會30A充，佢去到充滿果個位其實係降返低。

我自己計，我用5-10A嚟充，因為我唔駛咁爆。
同埋舊電用30A嚟充，係會快O的玩完。
成日大A數充，亦會降低可以用O既容量。
本人窮，電要耐用，10A對我嚟講好夠。

不過事實上嚟講，鋰電由初初係遙控車用，到宜家完全普及，發展過程同技術都已經好過以前好多，甚至宜家有出Silicon-Graphene電，7.6V LI-HV電。
係咪應該用返六七年前方法嚟思考呢?
大家都可以諗下呢個問題。

純粹講下個人意見，大家可以繼續討論~

如果用30A充电有防爆袋,在面前爆了會受傷 嗎?但ㄧ定以后唔敢充电了。

ray2011 發表於 2018-6-25 14:19
如果用30A充电有防爆袋,在面前爆了會受傷 嗎?但ㄧ定以后唔敢充电了。

咁就睇你幾近喇。
正常嚟講用咗個袋，7.4V爆起上嚟，啲熱力同火係出嚟到嚟，個袋會頂咗O的爆炸，但之後會有機會燒穿。
佢係等你可以趕得切去救火，唔會因為一爆時啲花火四濺辣著周邊O既O野先。

https://teamorion.com/en/batteri ... ipo-8200-7.6v-120c/
https://teamorion.com/index.php? ... uct&object_id=63081

Team Orion呢隻電就寫住120C放電(又係有冇寫瞬間定連續)，但亦都有寫充電係5C。
如果計佢係8200容量，就即係40A以上充電。

其實TEAM ORION好多款電都寫住係可以5C充電，係寫明添。

用大電流充電會不會短命D？

kclam 發表於 2018-6-26 19:04
用大電流充電會不會短命D？

會

比賽電更加係。

怪唔得有時見有Ｄ２手電放出嚟，睇相片超新凈賣家話只用數次，可能係比賽電。

其實好多电寫個C數係呃下人，你揾部老爺turbo 35去set 30a 放电，其實好多硬盒鋰電池只可以放10秒8秒就會cut機，反而一排老爺nicd 2000电可以捱100秒左右
鋰電池始終係8a-15a之間放电性能最好亦比nicd/nimh長氣

JOHN2 發表於 2018-6-27 10:24
其實好多电寫個C數係呃下人，你揾部老爺turbo 35去set 30a 放电，其實好多硬盒鋰電池只可以放10秒8秒就會cu ...

其實係O既。但又唔可以話佢呃人。
因為真係冇一個確實標準話應該係去點標呢個數。

你可以話用30A充放，係TEAM ORION較有保証同安全。有幾多間敢好似TEAM ORION咁標明?
同埋用30A放電，亦唔可以放到足3.3，要SET做3.5甚至更高。唔少人話要4.0添。

原因係因為始終逃唔過充電能量法則。

你越大A充電，佢容量就會變細。
你6000MAH比賽得返4000(其實冇咁細，舉例)，你仲可以鬥到，因為唔係鬥咁耐時間。
但一定會影響舊電壽命，易漲，冇得避。(聽聞新O既石墨烯電池好O的.....但只係聽聞)

所以點解啲用3.0充電果啲電話，會特別快瓜電池，之後ANDROID要改SOFTWARE做有時會用返長時間充，就係呢個原因。
成日快差特別快瓜，亦都特別快用晒啲電。

正常1C充電舊電自然係最襟玩。

warehouse 發表於 2018-6-27 08:12
怪唔得有時見有Ｄ２手電放出嚟，睇相片超新凈賣家話只用數次，可能係比賽電。 ...

所以通常都唔會買二手電........二手電變摩打都唔會買。