各香港模型車廠評論

AMAT 發表於 2019-3-21 23:39
你要將櫻花同軍國主義掛勾就冇得好講。

櫻花本身唔係日本獨有，河津櫻就係中國O野嚟(原種係山櫻)。日本品 ...

櫻花本身唔係日本獨有，Sakura 就是日本文拼音！所以唔好叫 Sakura, 叫 Oriental Cherry :-)

pecky38 發表於 2019-3-23 02:39
櫻花本身唔係日本獨有，Sakura 就是日本文拼音！所以唔好叫 Sakura, 叫 Oriental Cherry :-)

...

如果咁都要拗，就首先大家要放棄大家O既現代漢字用語。

因為現代用字全部都係嚟自日本。

舉例"xx化"，"現代"，"經濟"，"衛生"等等等等N咁多個字都係嚟自日本。
如果要咁執著O既朋友，建議你用返古代文言文，用返古代用詞吧~

今時今日仲係到講呢O的.....唉.....真係.....笑鬼死人......

執著係一O的無謂O既問題上面。


當然，買唔買係個人自由嚟，鍾意執著一O的無謂問題上亦都係個人自由嚟。

AMAT 發表於 2019-3-23 12:29
如果咁都要拗，就首先大家要放棄大家O既現代漢字用語。

因為現代用字全部都係嚟自日本。

希望大家可以繼續和平理性討論

近日見vbc推出D10兩款新A臂(黃，藍)，所以vbc並非退出不再造自己車，新A臂不用膠粒，改善了要黐AA膠缺點，但網頁沒有寫黃，藍A臂代表什麼？是硬度或是闊窄，沒有講清楚，好似無人出來講解，其實聽返其他師兄意見，會多人覺得舊有D09用c座的A臂更可靠，所以部份D10朋友已改回舊臂，如果vbc肯出套舊臂改件比D10當option件賣， 相信都會有市場

tc3driver 發表於 2019-3-21 17:36
3racing仲有一個隱憂，就是繼續用"Sakura"呢個咁日本化嘅名，早期扮日本貨可以理解，Sakura Zero出時說明書 ...

幾支持師兄所講, 但係香港同大陸依家咁崇日下, 你提呢啲觀點的確會得罪一啲有戀日情意結嘅人

上年見xpress xq1售價都差不多$3000，個價一出，大家都話貴，但近日見網上有盒新車xq1賣$2500都好似無人買，感覺上港產車售價約$1500-$2000較為合理，因為二手車價都只是最多千幾左右，上三千可考慮買其他外國品牌，其實是否xq1個一體波箱造價成本高所以要買咁貴？個人覺得可以從這方面入手減成本, 一體波箱未必有着數，可以參考yokomo BD8的x型可裝拆鋁件，因應埸地作出調校，又可降低成本，但版主提過Xpress賣平價車xq1s才是主要收入，所以這架xq1的定價可能仲有其他原因，但賣到三千真係有價無市

高價賣ＸＱ1是用來建立高檔品牌。真正目的可能是想助推ＸＱ1Ｓ。

想做國內朋友生意，品牌少提Sakura是明智。

emax430 發表於 2019-5-25 09:08
高價賣ＸＱ1是用來建立高檔品牌。真正目的可能是想助推ＸＱ1Ｓ。

現時港產車不適宜走高檔品牌路線，要走高檔就要請多些車手贏多幾場國際賽事先多人識，否則夾硬抬高個價來賣，消費者都是覺得不值得

小弟曾經買過本地品牌大陸制造的車，砌車過程好痛苦，好多位都唔fit或者唔順，要用很多時間執。唔知係咪用料問題， 耐用度都比較差。之後都對這些品冇乜信心， 寧願買返D大品牌好了。

我買過3Racing Ultimate 2014 , XIS, D4 AWD, FGX Evo , MG Evo, 好唔好彩，差速只有MG唔漏，因為油夠結。上網睇左好多裝差速 要點，可惜，都係漏

Edwin 發表於 2019-5-30 21:59
小弟曾經買過本地品牌大陸制造的車，砌車過程好痛苦，好多位都唔fit或者唔順，要用很多時間執。唔知係咪用 ...

如果MTS嗰類車千二三蚊呢個價就預咗要執，差速齒要磨，膠件水口位，金屬件精度都可能差少少，但都可以原諒，因為價錢平，但如果賣得貴，大家就相對要求高，而且有其他大牌子選擇，所以港產車賣得貴，競爭力下降

tophand88999 發表於 2019-5-31 00:30
我買過3Racing Ultimate 2014 , XIS, D4 AWD, FGX Evo , MG Evo, 好唔好彩，差速只有MG唔漏，因為油夠結。 ...

如果差速漏就要睇墊片(掙口)紙同差速殼夾口位夠不夠平滑，或者試吓加綠油，3racing去到Advance 2016嗰代隻40t差速已經無漏，不過3racing出咁多款車，每款差速不同，係要時間慢慢改善，早買就有機會做白老鼠，其實d膠件，物料，模具係要時間執先會完美，但模型車界成日鼓吹新就係好，結果好多時，頭一批貨有問題，模型店回收，c座，臂碼，A臂左右不對稱，呢d問題常有聽聞

tc3driver 發表於 2019-5-31 12:34
如果差速漏就要睇墊片(掙口)紙同差速殼夾口位夠不夠平滑，或者試吓加綠油，3racing去到Advance 2016嗰代隻 ...

先上牙，細號沙紙玻璃上磨平面然後組裝，對角上螺絲，到底就收手，通常過幾日就見到邊漏，搞到M4都唔敢買。不過，見到xpress 有個密封圈，Xray 都有，3Racing 我所知，只有XIS NU 版先有。