3racing市場策略改變

rk2 發表於 2020-3-23 09:31
Team Associated 成個TOURING 部門摺咗。連 12 仔 都唔出。咁呢個品牌，只剩下 電越和油越了。但在此 ...

TC3未至於，因為TC3行軸。

宜家TOURING設計起步點係YOKOMO MR4TC，成個FORMAT都係跟佢。

AE 12仔近年俾其他牌子食得好勁，加上又冇新設計，自然就向下。TOURING更加唔駛講，基本上係國際比賽A組都冇晒影。

12仔同TOURING都需要大量車手去SUPPORT。AE又冇車手，又俾唔起錢請車，咁落去又增加唔到銷售，咁就不如發展仲有人玩嘅BUGGY好過。

AMAT 發表於 2020-3-23 12:53
TC3未至於，因為TC3行軸。

宜家TOURING設計起步點係YOKOMO MR4TC，成個FORMAT都係跟佢。

好多本地車友都想3racing出12仔，但Jacky就好似聽不到，其實這個時候，3racing出12仔係好有利，但唔好出埋啲古怪嘢好似佢架FGX formula咁，用自己獨特呔鈴玩獨市，要跟據亞蘇士設計作藍本，最好殼柱窿位都跟, 因市場有好多副廠件做support(呔，鈴，彈弓，殼), 亞蘇士唔玩咪3racing頂上，可搶到部份市場

睇左咁多位師兄的意見，結論是否都覺得Xray/Yokomo是最高質數？如果係的話選擇Xray/Yokomo會否是貴買平玩，因零件較易買到，兼容性較高及耐用？另外有某D車砌既過程好多位要執過先順，對技術不高的小弟來說係有難度，下次自然不會再選擇。

Edwin 發表於 2020-3-25 13:31
睇左咁多位師兄的意見，結論是否都覺得Xray/Yokomo是最高質數？如果係的話選擇Xray/Yokomo會否是貴買平玩， ...

可以話Xray/Yokomo質數算高，零件方面，Xray易買啲，因Xray兼容性較Yokomo高，較多舖頭有Xray零件賣，eg, Xray差速，手腳，三節棍，馬蹄膠由2015到2020都兼容, 但Yokomo 2015年的BD7到2020年的BD10已經有好大轉變，手腳，三節棍，差速，差不多改晒，Yokomo係好喜歡每年揾啲借口，刻意轉變零件尺寸，不會太重視兼容性，所以Yokomo車零件都不易買到，以前都仲有多幾間賣Yokomo, eg, 偉高,極速，但現在好似得返興發1/F，有時想訂都未必有得你訂，因為停產，所以Yokomo車貶值快(但二手車價較平)。兩個牌子，勝在都多副廠件，因為始終大公司多人買。如果本地牌子3racing價格算合理，但可惜見佢近年設計質量開始下降，又想走Yokomo路線，如果做不好，分分鐘似VBC咁失敗收場，本地品牌又可能少一間。

tc3driver 發表於 2020-3-25 22:31
可以話Xray/Yokomo質數算高，零件方面，Xray易買啲，因Xray兼容性較Yokomo高，較多舖頭有Xray零件賣，eg, ...

3RACING同VBC完全兩回事。

VBC係因為幾個PARTNER意見不同拆伙，基本上生產已變成幫XPRESS生產，設計師都過檔埋去XPRESS，自然要關門大吉。
3RACING係JACKY話事，RACING車其實根本就唔係佢最賺錢嘅地方嚟，至於咩車最賺我就唔方便代佢講。3RACING其實幫好多大牌子做OEM，分分鐘你話邊架點好點好嘅車，零件就係佢地做出嚟。

tc3driver 發表於 2020-3-25 07:33
好多本地車友都想3racing出12仔，但Jacky就好似聽不到，其實這個時候，3racing出12仔係好有利，但唔好出埋 ...

好坦白講，3RACING設計車，其實都係由祺哥負責。祺哥出車好講佢自己鍾唔鍾意同埋有冇市場，仲有佢鍾唔鍾意玩。
呢個係3RACING設計同其他唔同地方，佢係隨佢鍾意，而唔係單純睇市場。

12仔如果咁好賣，就唔會連AE都摺咗12仔部門。佢未摺之前，望一望個市場，A MAIN B MAIN入面有幾多架係AE 12仔?一定唔少。
AE都要摺，就好大關係到呢個市場究竟係咪養得起佢地一條TEAM。

如果個市場根本就唔係一個可以養得起嘅市場，點解仲要鍾個頭埋去?
你諗下宜家出面比賽，我講香港，有幾多十二仔比賽?
再睇下3RACING最大市場日本，台灣等，每年有搞幾多十二仔比賽?

Edwin 發表於 2020-3-25 13:31
睇左咁多位師兄的意見，結論是否都覺得Xray/Yokomo是最高質數？如果係的話選擇Xray/Yokomo會否是貴買平玩， ...

XRAY今次架T4 2020，無論質量，車行出嚟，我可以講，係近年XRAY中最差。

好多人都話今次啲質量係嚇死人，架車如果同BD10比，原裝行出嚟好大差距。

所以出咗唔夠一個月，成條街都係二手放返出嚟。

3Racing  膠件偏軟，收M3x6 螺絲位，好快滑牙要用M3x8,

差速漏油，除MG 冇漏，3000号油果D差速全漏，O ring 好直钱咩

我覺得，MG 同 D4 算係問題較多車型，按說明書砌好，調都調好耐

AMAT 發表於 2020-3-25 23:26
XRAY今次架T4 2020，無論質量，車行出嚟，我可以講，係近年XRAY中最差。

好多人都話今次啲質量係嚇死人 ...

同意，我都算係Xray 擁躉，但對近來個别Xray既產品品質的確有点失望。想問下各師兄如想轉會，以造工準繩度及質料衡量，Awesomatix  或 Infinity 會否比Xray好？謝謝。

Edwin 發表於 2020-3-26 15:44
同意，我都算係Xray 擁躉，但對近來個别Xray既產品品質的確有点失望。想問下各師兄如想轉會，以造工準繩 ...

AWESOMATIX一樣係麻麻地，唔好期望咁高。
INFINITY新車未正式出街，未知。

Edwin 發表於 2020-3-26 15:44
同意，我都算係Xray 擁躉，但對近來個别Xray既產品品質的確有点失望。想問下各師兄如想轉會，以造工準繩 ...

都沒咩可以選擇, 只係由一個火坑去第二個火坑

玩遙控車，跟本就是一個大火坑。

rk2 發表於 2020-3-27 11:56
玩遙控車，跟本就是一個大火坑。

所以就係睇下自己想點, 沒野係完美, 要試過中過先知咩係好

近日砌咗架 M4 Pro ，比好幾年前玩過架 Ultimate 係有進步，D parts 虛位係小咗。

3888 發表於 2020-3-27 18:53
近日砌咗架 M4 Pro ，比好幾年前玩過架 Ultimate 係有進步，D parts 虛位係小咗。 ...

其實的確3RACING第一水會爭小小，但第二第三水通常都會穩定返。

即係每逢3racing出新款車既第一水貨就唔好買, 要第二水以後先好買

gos 發表於 2020-3-28 20:58
即係每逢3racing出新款車既第一水貨就唔好買, 要第二水以後先好買

一般做開工程生產(包括機械，電子，軟件)的內行人都知，第一水真係有風險，第一批買嘅人係蝕底，所以好多時第一批貨會有優惠，有時送啲小禮物比你，而且始終會有人喜歡新嘢，如果有新車出，你又忍到手，最好都係等吓好啲，舉例3racing 20M條前皮帶，第一水的師兄砌完發現都是鬆，結果3racing再出個金屬牙差托解決，之後第二批已經包埋不需另買，但正如版主所講，係咪衰到行唔到呢？咁就好睇間公司嘅處理態度，如果死不認錯，咁係最衰，如果肯改，都叫做有誠意，但就留有壞印象比人，所以買第二水係較安全

tc3driver 發表於 2020-3-28 23:08
一般做開工程生產(包括機械，電子，軟件)的內行人都知，第一水真係有風險，第一批買嘅人係蝕底，所以好多 ...

試產件都賣，壞咗口啤，後果更嚴重

tophand88999 發表於 2020-3-28 23:51
試產件都賣，壞咗口啤，後果更嚴重

佢有免費更換。

又問心咁講。

3RACING車如果發現個問題係普遍性，佢通常都會有件俾人免費更換。

但如果係XRAY出現呢，你估幾耐或有冇件俾你更換呢?

Yokomo BD9果時俾人話造功差，最後，又有冇得更換呢?換又幾耐呢?

如果有入3RACING FB GROUP就知，祺哥好快回覆同會立即話幫你換。
咁佢係咪唔負責呢?我覺得佢就好負責啦。