宏記 80's ~ 90's 地址

哈哈, 睇到幾位師兄嘅文章, 想番起好多好多記憶, 小弟中小學就係成日貢上官塘模型中心錫櫥窗玻璃,細細一間舖睇成大半個鐘, 佢砌d坦克同人形好正. 跟住見人響舖頭試玩遙控車, 即刻發燒, 不過睇睇價錢, 當堂一盤冰水照頭淋. 最後儲了兩年零用錢, 買了星星sand revoer, 555差機同排6v電, 但係唔夠錢買套控, 車子砌好, 插上電池用手移動變速開開停停, 已經好多晚興奮難眠. 幾個月後卒之夠錢買控, jr棍, 套控好簡單的, reverse 功能都無, 但一樣好玩. 敬請留意, 以上由儲錢買車, 砌車, 到買套控, 全部係地下進行,不見天日, 部車同控好鬼大部, 唯有四維塞收埋, 家中無人先至有得玩. 從此, 開始RC生涯. 待續...

有冇人記得北角皇都戲院對面, 即現HSBC樓上果間叫乜名?

原帖由 speedstar 於 2008-1-3 00:23 發表

                               
登錄/註冊後可看大圖

有冇人記得北角皇都戲院對面, 即現HSBC樓上果間叫乜名?

凱旋 Triumph!

原帖由 chacha 於 2007-8-7 18:26 發表

                               
登錄/註冊後可看大圖

水街間模型舖重係唔係到，約十年前我去時，佢有好多經典野，蘇士RC 300、RC 500、京商後驅油車重有好多舊玩具同模型，o個時去水街一定會去埋堅道兆利隆，重係唔係度？

水街間模型舖重上在..係咪講緊新生...

記憶中官塘模型中心兩個拍檔好似係不歡而散, 因為有次見佢兩位為錢銀吵大鑊後, "遙控高"無再響舖頭出現, 模型佬就愈開愈晏, 有次三點九放學, 去到見閘未開, 一班fans 企響度等, 無幾耐有人唔生性大力拍閘, 模型佬竟然著住底褲睡眼惺忪開閘, 一路開一路鬧人, 話嘈醒佢. 睇佢都無心做, 果然無幾耐執埋.

另外, 記起幼稚園時代, 官塘聖巴拿巴幼稚園對面街有一間小地舖模型店, 店主好鍾意響行人路玩兩架星星線控坦克互片, 唔知有無人記得呢?

仲有仲有, 師兄Chacha提過無限精機1:12, 嘩..果時曾經對平路車的速度感發生興趣, 直情流曬口水, 無記錯官塘模型中心淨車已買HK$380, 對於窮家小子係天文數. 最後, 死悭死抵, 只儲到百多蚊, 買了一架外型相似平路車(老細話係香港製),無多餘錢買車殼油,索性全透明加全套車花.  部車直路加速好快, 不過彎就好差, 可能唔識玩加上果時根本唔知差速為何物,更加唔好話調節滾珠了.  部車d 膠料質素真係驚人, 平價ma, 一碰二樓板膠即裂, 玩玩o下線圈變速出煙. 錫住玩之下, 個幾月已殘曬, 剛好有同學買了行錬四驅, 一片之下...唉...呢部平價板都係收埋好了.

為讀書考試同埋經濟環境麻麻地, 車仔放低好多年, 但係對玩遙控熱情無變, 到出來做事, 有dd 錢響袋, 即刻....油車, 電船, 坦克, 飛機, 油直昇機...樣樣都玩, 一屋都係.. .

唔多記得，係唔係康0道呀？，我淨係記得富都戲院個條斜路，有閣樓 ga 地通拿另一間地舖好大間唔記得叫咩名

原帖由 lastenfield 於 2008-1-3 00:32 發表

                               
登錄/註冊後可看大圖

凱旋 Triumph!

在那裡我曾買了一個 TWISTER MOTOR

咁又有冇人記得有間叫 "金川子"?
係旺角麥花臣球埸對面角落頭(現在變了賣波鞋)
賣好多二手車, 我都好似同佢買過部 " PB孖速野馬電車"!

[ 本帖最後由 rctc3rc 於 2008-1-3 15:37 編輯 ]

原帖由 bbq1234 於 2008-1-3 14:48 發表

                               
登錄/註冊後可看大圖

仲有仲有, 師兄Chacha提過無限精機1:12, 嘩..果時曾經對平路車的速度感發生興趣, 直情流曬口水, 無記錯官塘模型中心淨車已買HK$380, 對於窮家小子係天文數. 最後, 死悭死抵, 只儲到百多蚊, 買了一架外型相似平 ...

師兄你所講係官塘模型中心買0個架係唔係同阿蘇士差不多，如果係個架好似叫"西松"間廠好似係屯門，當年重有另一架香港造 ga 車，叫"禿鷹"，係抄 "AYK" ，0個震都有係遙控模型賣廣告

Chacha兄, 係呀, 富都戲院側邊有, 不過印象有d模糊了. 近球場果邊後期有間賣船的, 好短時間就關門了.  另外地通拿側果間應該響金華木行落少少, 好似叫過做興記, 記得響果度買過Futaba 4Ch, 未用過就搬屋錯手掉了, 唉...慘... 另外好早期有一間響瑞和街上海舖側(上海舖依家仲響度), 好似叫"天地模型". 官塘裕民坊依家仲有間興記, 唔知有無改名, 不過已經唔同曬, 賣公仔多, d貨多到失控, 好迫兼d貨愈堆愈高,, 真係驚佢跌落o黎. 最堅果間響創紀之城, 依家搭地鐵巴士都會經過見到, 間舖頂掛兩隻巨型藍色特技噴射戰機響度, 入面幾闊, 響香港模型店中算係少見. 不過應該專賣中貴價飛機直昇機, 去過幾次得過睇字, 買機同parts都係首選KWS舖頭仔或者油麻地偉X.

thanks Chacha兄, 係"禿鷹"呀, 架車二樓板係黑色膠, 質地好硊, 大力上鏍絲都會爆, 不過fibre底板, 差速, 馬達, 海棉呔, 車殼樣樣齊都係百多蚊, 初學者已經幾滿足.  自呢架禿鷹就暫停玩車, 好多年後走去玩船仔, 不幸第一架買"地球堂", 細細盒簡簡單單, 兩百幾, 以為好易玩, 買返屋企拆開說明書先知大鑊, 船面裝飾無難度, 嘩... 船首同船身彎度先令人哀鳴, 真係要用人手一粒粒拮大頭針固定然後落膠水, 當時無互聯網, 一切靠自已, 足足一個月至砌好兼上油,油得唔滑起底再油, 中途整到火滾真係想一棍了結佢, 由其係支船軸套管定位,真係整到叫救命.  卒之整好落水試漏, 竟然無事, 接埋電子o野試車, 跟住去山長水遠到維園放, 好在都順利, 唔洗落池執船, 不過俾人撞花船身...心痛, 臨走貪得意玩倒車幾乎沉船, 原來呢隻船唔可以急倒車的, 船尾會扯低, 水就由甲板湧入了.  玩過幾有趣, 不過維園好鬼遠, 朋友話屯門水池好大, 最後都係因為太遠而無入過去.   
海, 陸, 仲有空...待續

重有湾仔克街生生(錯請矯正)
中記,恆年行,德昌,連凱旋都有人識!
當年有冇人係摩頓臺天橋底放車?
唔知講真名出黎會唔會有好多舊同學相認?
更難得係重有班人一直堅持玩車

原帖由 missingdorami 於 2008-1-3 18:14 發表

                               
登錄/註冊後可看大圖

重有湾仔克街生生(錯請矯正)
中記,恆年行,德昌,連凱旋都有人識!
當年有冇人係摩頓臺天橋底放車?
唔知講真名出黎會唔會有好多舊同學相認?
更難得係重有班人一直堅持玩車

克街果間係 新生 - 專賣 ayk 的, 我成 日去睇野

原帖由 missingdorami 於 2008-1-3 18:14 發表

                               
登錄/註冊後可看大圖

重有湾仔克街生生(錯請矯正)
中記,恆年行,德昌,連凱旋都有人識!
當年有冇人係摩頓臺天橋底放車?
唔知講真名出黎會唔會有好多舊同學相認?
更難得係重有班人一直堅持玩車

我就係斷斷續續囉. 都未有 30 年, 20幾年啦.

原帖由 ravaglia 於 2007-7-27 16:32 發表

                               
登錄/註冊後可看大圖

有冇人有印象西營盤薄扶林道近第二街都有間RC鋪頭?

第3街.係新生

now at 水街, 重在生...係新生...I got my first rc car Tamiya Rough rider there. F2.

[ 本帖最後由 tiger1 於 2008-1-4 00:21 編輯 ]

原帖由 bbq1234 於 2008-1-3 18:04 發表

                               
登錄/註冊後可看大圖

thanks Chacha兄, 係"禿鷹"呀, 架車二樓板係黑色膠, 質地好硊, 大力上鏍絲都會爆, 不過fibre底板, 差速, 馬達, 海棉呔, 車殼樣樣齊都係百多蚊, 初學者已經幾滿足.  自呢架禿鷹就暫停玩車, 好多年後走去玩船仔, 不幸第 ...

你講 condor 可能有好多人記得 包括我.

Yes, condor!!! I wonder how many cars did the manage to sell

係呢度吹水真開心，原來呢度咁多資心車手，不經不覺都玩0左廿幾年，而家都40又幾，

原帖由 chacha 於 2008-1-3 14:52 發表

                               
登錄/註冊後可看大圖

唔多記得，係唔係康0道呀？，我淨係記得富都戲院個條斜路，有閣樓 ga 地通拿另一間地舖好大間唔記得叫咩名

係咪叫大坂模型 ??........