真開心啦, 我個post有三頁回覆或過千 viewing, 可惜我自己 off 左個 topic.
Sam, 四月我可能過日本, 唔過我有個朋友五月都去, 可能響果边買番架 dNaNo. 因為問過我訂開野果家 Pro Shop Futaba, 但話佢地唔會派到貨. 聽日我會再問另一間叫 RC Champ 睇睇.
綜合各師兄意見, 原來想快 modify 或 stock 既師兄差不多一半半, 明白兩者既意見.
對於想玩 stock 既朋友或新手, 大至上會認為玩起上來大家可以用既 parts 及 車速上可以比較接近, 新人錯敗感比較小, 對於一D玩車 set 車時間比較少的朋友來講去到一個大部份係玩 stock 既車場, 確實係比較有樂趣D.
但係千祈唔好覺得玩 stock 公平D, 因為 gum 講就係對喜歡玩 modify 既車友唔公平. 點解 ? 因為玩modify既車友比人用多D時間及精神, 不論在練習手車, set 好架車以至 handle 到一架好快既車. 錢我唔講, 因為係有很錢, 就算你玩 stock 一樣要買 Kyosho parts, 只不過係買原裝定或 third party gum解. 加上, 要玩 modify 快, 唔係話買野 gum 簡單, 我幾時都 gum 講, 用錢解決到既問題就係最簡單. 但事實玩 modify 快係唔係一個 " 簡單 " 或 " 錢 " 既問題.
再講公平呢一點, 我見過有人為左玩 stock race, 去買幾打 XSpeed 來精選. 又或者, 有人會開左隻 XSpeed 飛飛銅頭, 換對碳刷, 电就唔駛講啦. 又例如玩 1/10 23 turn, 你唔識点樣調較對碳刷對正銅頭, 負用Reedy 729, 766 正用 767 或 Trinity 3399等, 你一樣會覺得点解人地架快 gum 多, 玩 stock 方亦可能有好多技術上係學問. 所以, 玩 Mini-Z stock 比賽, 又用日本舉例, 大會派control 呔, 摩打( 唔準拆 ), Alkaline 电, 哈哈 ! 響呢個情况下, 先可以達到有師兄提到的在公平情况下比較技術同碰碰運氣的 stock race.
其實都幾清楚香港玩車文化主流係要快先好玩. 其實我係認同玩 modify 比 玩 stock ,人同車既要求都要高D. 但我就唔同意有師兄提合過玩 stock 只是入門篇( 唔好見怪, 吹下水, 討論下嘛 ). 因為你如果收遲左, 入錯線等, 就會好似另一位師兄提過 gum 可能追九條街都追唔番, 感覺更似玩大車或真既賽車.
一般講, 同一班人, 如果你玩 modify 係最快, 玩 stock 你都應該係最快, 如果輸左, 都應該係差左少少運氣. 相反就唔一樣. 尤其係 Mini-Z, 因為反應時間極短, 越快越短. 你有 stock 車速的反應, 去到 modify 你要練習更快反應. 我自己覺得玩快車, 用brake 或減速技術比較難掌握好, overspeed 或 overbrake入彎機會大D, 所以出錯機會多D, 易追車D, 當然唔計超高手, 因為佢地可能真係唔會錯或者錯好少. 但 stock 慢D, 大家出錯機會少D, 追車都難D.
主流同文化, 其實可以係多方面. 以前車場有人玩拖頭, 有人玩燈, 有人玩窄陣, F1 又有 Overland, 幾好呀. 好似大車有班人玩白皮豬, 有班玩M車. 所以由玩 MR01 開始, 就 keep 住有窄陣有闊陣, 因為無論你玩窄陣或闊陣永遠都有人陪你玩, 到 ADBand 既 AWD, MR02 同 MR015, 賣哂再買過 D 2.4Ghz 野, 但都係 Keep 住架 015 窄陣. 偶意玩下有 D 車友睇到你玩到架 015 側哂, " 第 " 哂 " 碌 " 入灣跑姿一流, 有 Feel. 但而家真係唔快唔會 " cup ' 既 Mini-Z 到真係無乜人陪你玩.....
因為 gum, 我比較喜歡多方面既玩法, 睇真D架 Mini-Z, 除左追求純速度或圈速表現, 其實係可以玩出唔同角度係樂趣ga.
[ 本帖最後由 GTRTam 於 2008-3-28 04:15 編輯 ] |
樓主: GTRTam
樓主
