今日老婆約好去行山, 點知手癢癢又帶埋架 D90 去.
今次都係未行過, 帶車去都係膽粗粗駁一舖! 
目標: 元荃古道
由荃灣港安醫院則邊既元荃古道梯級起步!
第一段路已經考體力, 行之前已知要行石級, 有心理準備了!
沿梯級上大約三百多級, 當然90%要搬車, 頂硬上! 
上到去見到引水道, 睇路標指示再上! 上去係斜坡! 還好, 唔駛再搬 
一直行都幾斜, 沿途冇位休息, 行20-25 分鐘左右開始見山路,
沿途會路過村屋, 架車吸引左好多狗狗注意, 係咁恐架 D90, 好彩係門裡狗, 不用理會!
上山就好少少, 起碼有草有泥路行, 沿途直上山都有石路俾人行, 玩車當然行一邊去泥路好D~
上到比較高既地方, 石龍拱, 見到好多行山人士!
背景係青馬大橋!
影相留念後再繼續行程....
往田夫仔進發!
路標對出有兩個小山丘可以玩下~
沿林蔭石路往田夫仔進發, 路上見到路標..
路段開始多了泥路, 越野車 Good fit 了~
行行下又見路標.
當然繼續行了~ 沿途好多蝴蝶! 仲好多網絲蛺蝶!! 多手影左佢
向前行開始轉為石級, 不過兩旁都可以行下車, 間中需要搬下...
行行下見到馬路!! 又唔似出口 .. 睇定D先~
由於時候唔早, 見到哩個路標已經將近4點, 所以冇再行去田夫仔,
改行去深井, 睇睇個郊遊指示, 行去深井要兩個半鐘!!!
心諗 .. 金翅扑街鳥! 行返落去咪成6點幾! 同老婆商量完照走.
FULL 雞推架 D90 行, 沿住條車路 (越野單車用) 九曲十三灣一直行.
經過清快塘村再沿山路落深井.
為左趕路, 先前一段越野單車路已經吸哂第二排電, 怕落山慢.
只好搬車吧!
落到深井了
是次行山圖~
來個小總結;
今次有勇無謀挑戰元荃, 確實好彩落得返山. 如果唔係都唔知點算
全路程約有 1/5 時間要搬車, 尤其係開始路段. 想挑戰既師兄要諗諗先好~
全程我用左 5 個半鐘左右, 停頓位唔多, 對車既要求都高, 因為冇咩點停 ..
最少要帶 3 排電, 4000mah 以上比較好. 基本防蚊虫用品必須. 水就最好有2L!
我比較喜歡行山行車, 行左就會分享 , 希望大家唔好覺得悶就好!
|
收藏
勁正
嬲嬲
樓主
