6V/7.2V/8.4V,有感已發

有時好懷念當年曾大熱過6/7.2/8.4V電車Buggy年代，一班同學仔放假，就拎往架孖星草蜢仔及黃蜂（當年最平的款式），青蛙/狐狸仔及京商車去配水庫玩，因有石屎及沙地球場玩。跟住就會見到一班師兄拉住舊大水電車仔來，這樣可以邊玩邊充電。
球場會再見到另一景象就是有一班師兄會用孖星Supershot，Hotshot, Boomerang改（中軸車）， 就會有另一班師兄用京商 Optima，Tubro Optima，Javelin（鏈車）。本來就一人各據一邊，玩玩吓就會追逐，追追吓唔知点解，就會跑到條track岀來，玩玩吓就會有些細路就執幾塊爛板整一兩個臨時跳台，一有跳台就開始更熱鬧玩Buggy邊可小得有矮跳台，通常師兄都full雞沖上去 ，鬥跳得遠同埋那架個避震好， 跟住就會見到些好完整咁安全落地，就嘩聲四起陸，有些炒車翻肚，就開哂汽水聲，趕住執車入pit維修。觀眾我地睇又開心，玩車位師兄又過引，被咁多粉丝細路圍住。

sean2013 發表於 2015-3-5 13:21
yes 好懷念一班小學同學放假,同學校去旅行，個個拎架草蜢,黃蜂,山貓,青蛙,軍車,搞到讀唔成書,一事無成 ...

謝謝師兄，
大家咁話啦，

RGM-111 發表於 2015-3-5 12:52
我玩 Falcon 同 Mad CAP  好像冷門D...

師兄
你呢兩架都唔冷門，
我懒寫，所以寫少咗幾部

stam28 發表於 2015-3-5 11:23
放学後去放車
当年小弟同同学日日係停車場玩！
我玩FOX

師兄，
好好提意，但見討論區有一都無疾而終。

3dfxhuangfang 發表於 2015-3-5 09:45
CHING描述的令我好似亲临现场。

謝謝師兄，
呢遍文，我都寫好耐先寫完。
當年住慈云山，只夠膽在假日去配水庫放車，因為多人放及熱鬧，記憶中當時有個同學仔平日玩，就咁比人老笠，跟住喺点，就唔知啦。

還有些零碎放車片段，架車壞咗（爛零件），配唔到或無錢買，搵膠片，金屬片，鏍絲DIY整翻等等未能盡錄。

幸好彩有其他師兄回應及分享放車回憶片段。
例如有另一師兄分享在停車場玩，都好精采。

希望有更多師兄可以分享一些開心遙控模型回憶片段，無論油車，大轆，平跑，飛機，直昇機，船等。

睇到人玩RC開心回憶都好開心架。

當年資訊無咁普及，好多資料靠月刋模型書及相熟模型店得到料。

我相信一定有些隱世高人師兄。

hihizaza 發表於 2015-3-5 10:32
當時周圍填海區，去到執塊木板就飛，路邊有貨車就睇下電池正負有無外露，有咪差電囉！哈哈！！ ...

師兄，
勁呀，我都聽同學仔講過。

samchung90 發表於 2015-3-4 21:17
感謝美好回憶的帖, 美好回憶無價!!

謝謝師兄

ericlam 發表於 2015-3-5 09:19
Agree

Thanks

我當年都好彩，試過同朋友遠征個幾次去其他球場放車，遇到班好師兄，願意過料教人，放車唔會霸哂個球場，唔比其他人玩，如他們有拎颜色碟及軟膠喉，舖track比賽，又會叫埋其他有車的師兄一齊玩（片過），如撞band就無得講啦，咁就要等等啦。當時那班師兄玩火箭車都會避草蜢仔啦，印像中當時有位師兄講過，多D快慢車先過引，快車就併過，人地慢車就要早些諗定点避過人，對手比慢車顶住過唔到就唔夠技術，先有機會又爬翻人頭，爬嚟爬去先過引；慢車師兄，見人快，自己都不停咁upgrade自己及架車。需然我都搵唔翻呢位師兄，但真喺好利害，當時那位師兄架戰車用京商tubro optima，用橙配黑色, 希望他重有玩車啦，

edmondws 發表於 2015-3-5 14:30
我也回忆中..当年系花墟球场玩多。  上年购了三部回忆车回来...草蜢、hotshot、黄蜂。 ...

師兄，正呀三部經典，
但已無咗孖星三段及雙段速

965 發表於 2015-3-6 04:48
我都有！ 袋埋d 車番學, 放學就直接去麼頓台！ (or park)

又係由青蛙，草蜢，到 Hot Shot Super shot.... ...

965師兄
睇嚟你在外國喎，多謝你分享
喺呀，我都有同邨但不同學校朋友，擺埋部車落個袋返學，為放車無所不用其技，諗架車d嘢重叻過讀書。
岀名摩頓台，成日話去，最尾都無去過。

kkchung 發表於 2015-3-5 23:58
那時撞 band  AM 控常把 RX、 TX 倒轉互換，大家沒失控便繼續玩。現在的車子太快，撞擊很難避免。

...

KK師兄
謝謝分享，呢樣回憶把band逆／反／倒轉等方法去裝，可以多D車一齊玩,,。
當時我印像中有一兩次咁倒轉做，就消對band，但唔知原因。當時好師兄多都咁做都無事。

dearoptions 發表於 2015-3-5 21:19
謝謝師兄分享

仲有 Super Shot, Hotshot II, Dog Fighter, Cat 同 Bull Dog I & II.

謝謝師兄分享，
你图中的Super Sabre,令我諗起架BigWig,
呢架BigWg當時孖星買行廣告，車殻唔知由邊位日本大師設計，又在風洞測試風阻，架車又話有一定能力可以防水，但好似雨戰唔多得，我估都是過吓水氹仔就可以，還有孖星新岀VZ摩打。
呢架BigWig唔知有邉位師兄玩過，可以分享吓添.

racart 發表於 2015-3-5 21:18
師兄你講得好turbo optima 是我至愛小學玩搖控車既曰子最開心.

Cart師兄
喺呀，turbo optima 當時發夢都想有，
在街見到都會停下，要望兩眼先再行。

好彩呢到有好多師兄在其它懷舊题目都擺圖分享呢架車。

京商還有架四輪轉向4WDS, 當時有位有錢同學仔有架一代，架車真喺好型，四個轆識有轉向動作，但是架車真喺好重。

aluminium283 發表於 2015-3-5 21:00
多謝師兄分享，睇返都係覺得以前一班同學放學後放車最開心，依家已經少咗好多人玩車啦...
仲記得以前冇錢買 ...

283師兄
喺呀，一排電玩得十幾分鐘，
後尾識落鴨記，先識買super星，
筆芯電我就用差電，玩車前要早兩日前差等，每次四粒，差一次要24粒鐘。

PKKC 發表於 2015-3-5 23:23
當年摩頓台放車見到D人玩RC10自己真係留曬口水

PKKC師兄，
請問是否呢款RC 10 Classic：
http://youtu.be/bN7eqIVjUDQ
印像中見過呢款車，真喺唔差，
但當時我唔識嘢，唔知架車叫乜名。
謝謝師兄

chacha 發表於 2015-3-6 12:19
廿多年前，我都係慈雲山水庫放車。

師兄，你好。
當年你用邊車呀！

pd 發表於 2015-3-6 15:22
我同哥哥玩ABC AYk

PD師兄,
架AYk令我想起位街方，他最愛AYK Buggy車，當時九龍城食為先隔離有一間細檔遙控模型店（名字也忘記了），他最愛去那檔，好似好多AYK車。
AYK當年曾岀過一部外型同BigWig差不多Buggy及 個齒輪箱有轉波功能，請問師兄有無砌過呢架，名字就不記得了。

請問師兄现在是否已無了AYK車呢！

pd 發表於 2015-3-6 17:27
Only photo
左手邊 EX1 白色 + AYK 101 Road Runner / 中間 Futaba 紅色 ?? + AKY 101  / 右手邊 EXII + ...

師兄支控颜色好特别喎

Panda 發表於 2015-3-6 18:07
九龍城食爲先隔離o個間叫駿業模型，門口出面行人路有架玻璃櫃放左唔少二手車響度比人寄賣，我好多時放學 ...

師兄，勁呀！