你覺得玩遙控車貴咗定平咗?

回想起返二十年前，買架MR4TC，再配隻GM V12電變，架車都好似千八定二千三，電變都九百幾差唔多過千。
宜家啲電變，都係差唔多價錢。

又或者睇下O的入門口，二十年前又係五六百，今日又係五六百有一架。但係O的2.4G控，宜家賣到只係一兩百蚊就有，三四百已經有齊晒，要加入真係唔多難。

當然，有啲車係貴咗，好似啲TRF車，當年初初玩都係二千零，宜家去到三千幾到尾。
又或者買支控，7PX去到成四千銀一支.......呢一下又真係貴到有小小嚇親人.....

你又點睇呢?
你覺得宜家玩得慳錢咗?定係貴咗?

平左..買部大蛇無左我成半人工

福仔 發表於 2018-6-1 15:04
平左..買部大蛇無左我成半人工

你話以前買呀?

宜家大蛇變咗國產品牌.....可能仲平......

AMAT 發表於 2018-6-1 15:21
你話以前買呀?

宜家大蛇變咗國產品牌.....可能仲平......

20年前學師仔當時人工底哈哈

福仔 發表於 2018-6-1 15:35
20年前學師仔當時人工底哈哈

咁好正常。

當年可能係O岩O岩搵錢又或者係學生哥，家陣個個都做咗多年O野。
購買力唔同晒。

不過車價係真係冇乜上好多，但係，好多後生仔人高亦都係冇高過......

如果純講價格我覺得冇太大變化~！
反而係售賣市場變化較大，講我由20年前只係夠膽係遙控模型店門口莊莊下(因為通常都冇寫價錢)，而家有網站比你刨清刨楚先去買方容易好多！
想當年，就算夠膽行入店度都唔知問咩好，又唔知要買啲乜，好似我哩啲 (老人新手) 真係方便好多！

我覺得係可以放車的地方少，買架車都要放大假先至可以去車場玩一次。

HighLamb 發表於 2018-6-1 16:32
我覺得係可以放車的地方少，買架車都要放大假先至可以去車場玩一次。

下?點會呀?

家陣啲公園俾放車，然後政府場又有JV，渡船街，天水圍，私人車場又有PYC, ACO, TRC, TWINSPEED.....
仲未計O的MINIZ場......

AMAT 發表於 2018-6-1 16:35
下?點會呀?

家陣啲公園俾放車，然後政府場又有JV，渡船街，天水圍，私人車場又有PYC, ACO, TRC, TWINSPE ...

講開公園可以放車真係有小小火嚟，早排帶個仔落公園放三轆車，個管理阿姐走埋嚟，同我講話嚟度唔可以玩嚟啲嘢架喎，跟住我問佢哩個場係邊個部門管理，佢話政府，跟住我同佢講政府管嘅公園係可以玩架喎（當然我玩前已經係門口睇咗告事板，只係寫遙控飛機同船唔可以玩，我先入去玩啦！）之後佢冇唔比我玩，但佢叫多咗2個人嚟企係度阻住我玩囉

roy00830 發表於 2018-6-1 17:10
講開公園可以放車真係有小小火嚟，早排帶個仔落公園放三轆車，個管理阿姐走埋嚟，同我講話嚟度唔可以玩嚟 ...

係咪政府公園先?唔計私人公園喎~哈哈!

政府公園比放，但記得有三個例外，另外球場係繼續唔俾O既。

我記得有版友貼過政府回覆信件係放車區到。

我早排都有放車，我覺得公園可以放係好正。
因為我果日直頭係攞架拖頭去，我個仔玩果O的爬架，我係O啲爬架底到穿梭，又可以陪到個仔，又可以玩車，幾鬼開心~

http://the-sun.on.cc/cnt/news/20140106/00410_097.html

新聞報導。

如果有人係康文署O既公園趕你，你俾可以俾佢睇。

但講多次，係公園，唔係球場，球場係一樣唔俾，申請搞活動除外。

上GOOGLE搵返係呢到有版友出O既POST~^_^

http://www.rc-evo.com/xbbs/forum ... read&tid=391561

AMAT 發表於 2018-6-1 17:15
係咪政府公園先?唔計私人公園喎~哈哈!

政府公園比放，但記得有三個例外，另外球場係繼續唔俾O既。

個場係康文署管的！
佢地都冇趕我走，但企幾個人係度欣賞我玩囉，仲要係附行嚟行去，有小小好似係圍住我咁囉

AMAT 發表於 2018-6-1 17:17
http://the-sun.on.cc/cnt/news/20140106/00410_097.html

新聞報導。

謝謝師兄，我都有睇哩段報導！

roy00830 發表於 2018-6-1 17:22
個場係康文署管的！
佢地都冇趕我走，但企幾個人係度欣賞我玩囉，仲要係附行嚟行去，有小小好似係圍住 ...

賤格囉..... 有小小係果種"你唔好搵啲O野俾我做"之感。

當年宏記，千里達，放學就去睇，最正係宏記門口播帶，睇到唔想走，以前玩車好玩好多，嗰種當年回味，係現在比唔到，現在電子科技先進，想要咩，用錢就可以有，相反以前用機变，1200mah，棍仔，540摩打，水池周圍去玩，係好開心，但現在車價，電子，零件個人覺得貴了少少。只可惜當年無用相機集齊我玩過的車。

amat師兄，梗係而家又平又勁又抵玩，係噉咦俾張咸豐年嘅單大家睇下。(不知如何插入相片，另放帖吧)

我就覺得貴左，但就係正常咁貴左，當年我買部油車全套差不多3千幾，而依家其實都差唔太多，但power就高左唔少，而電車kit， ESC, motor都係貴左，但就快過以前唔只一倍，但你睇食個早餐都貴過以前啦，又唔見好食過以前好多。。。！ 所以我覺得都係合理咁貴，而且依家多左唔少國產車，幾百就有交易，唔似得以前日本野鬼佬野一定唔平，所以依家玩遙控野其實多左好多選擇，可平可貴睇你要求，不過講真試左平同試左貴之後，就覺得一分錢 一分貨係真。

I recall I bought an LRP esc for about $850 10 years ago.
A similar capability esc, the HW v2.1 120a, costs only about $500 nowadays!

我覺得兩極化。
相對物價，孖星入門車/港產國產車係平到笑。
有刷電變摩打平到笑。
X-RAY/蛇仔..高級車就越來越貴，
高級無刷電變摩打比以前比賽用嘅有刷貴好多好多。
最貴都係鋰電， 越出新就越快脹... 相比 依家嘅 Ni-MH 電就係"弦外之音"(平、玩幾年後 volt/mAh 跌得少)