XQ2S車架布局CONFIRM - 都係後置

XQ2S車架終於都CONFIRM咗布局，就係摩打位置不變，仍然都係後置位，大減牙仍然都係摩打之後，冇64比，亦冇中置。

波箱都係同XQ1S一樣，但臂就終於都換咗做硬臂喇。其餘改動包括二樓板設計唔同咗，多咗一啲SETTING；轉向橋設計改咗；摩打座改咗多咗啲扭動設定；電架改咗變咗做有兩粒扣，同之前OPTION果個似乎再好小小。
大家收唔收貨呢?覺得係咪值得由XQ1S變成XQ2S呢?定大家覺得只係小改版呢?

今次呢個VIDEO係英文嘅，嚟緊會有個秋文版本用中文。
唔識英文，咁就遲下睇秋文講喇。

咁得意？唔退roll bar 因為怕新手唔識整，不中置因為新手走電線比較難。不過就整兩支野頂住隻殻。咁新手係咪用得着呢？就算另外買roll bar，都不是bearing roll bar。新硬肶、電架...，人地S64什麼都有齊，而且都幾跑得吓！

edmundkevin 發表於 2020-12-25 08:58
咁得意？唔退roll bar 因為怕新手唔識整，不中置因為新手走電線比較難。不過就整兩支野頂住隻殻。咁新手係 ...

嗯.....其實有小小為搵一個藉口嚟去做一個解說多啲.......

走線難......咁玩田宮車其實都死得......

至於ANTIROLL BAR...... 其實新手知唔知反而唔太重要，重要係裝得到上去就OK。
因為就算唔識調都唔會太大問題。
另外網上亦有好多VIDEO介紹，SET都唔係難事......

https://www.facebook.com/rcxpress/videos/137381284685624

中文版出街。

坦白講，中置，64定後置穩定........其實呢個問題，都有一定答案，就係中置同64係穩定過後置。
XPRESS方面認為後置穩定啲，其實有小小係同主流背道而馳。因為如果後置咁穩定，就唔駛出套中置CONVERSION俾佢，亦都唔駛出XQ10。
更甚係唔會大部份車廠都出晒中置同64。係呢個問題上其實真係唔太同意。

當然，佢都有唔少小修小改，舉個例上波箱嘅修改，電架，油壓等等。
但又係唔跟ANTIROLL BAR又係一個問題。又亦真係未至少係一個新手必然HANDLE唔到嘅事情。
但佢有啲位加一啲新手未必理解到嘅嘢，舉例個PULLEY向上放同向下放，可能比ANTIROLL BAR更難理解。
仲有頂殼果一下。

個人覺得官方解釋其實係唔圓滿，改動似係為XQ2鋪頭多於係真係出一架新嘅入門版。
如果佢講到XQ2S用返後置係合理，我又想睇下佢XQ2時係咪出返後置。