搞掂. 由於原裝殼太衰, 諗住試試用 501 殼, 但唔知岩唔岩裝, 買左返來至算.
拎盒野上手, 個感覺好輕. 同以前拎盒 df03 及 db01 行幾個街口既感覺有分別. 打開. 係咁既.
之前已有聽聞, ae 的車係以 "步驟" 去將的物件入袋. 唔同孖星. 孖星係將的野分類. 金屬還金屬. 膠還膠. 螺絲還螺絲. 每個步驟要組裝, 就要按說明書從各個唔同既袋中執齊晒的野至開始砌. 呢方面 ae 似乎比較好. 佢每個 step 一袋. 每個步驟要組裝, 你倒晒的野出來, 完成果個 step 便可.
每個袋都有寫明係用來砌乜:
個珠差都幾難砌. 佢唔係用壓力啤令. 佢要好似玩平衡遊戲咁砌的珠入去 (見上面第一個 post 果幅圖).
值得一提係個珠差, 中間果口螺絲比較粗壯, 而且都幾順. 順過孖星果的. 扭到緊, 唔跣, 都仲係好順, 好易轉動. 孖星果的如果扭到唔跣其實已經緊緊地. 下面這個是限滑.
四條油壓. 說明書寫埋叫你扭到幾緊 (頂住彈弓果件野扭到同個頂相差幾多吋之類).
的野擺埋一邊備用.
砌推桿.
恐怖的事情發生了. 有一件推桿頭竟然係密龍的. 即係本來預要伸支推桿入去再扭, 果個位, 係冇孔的..
我嘗試用其它螺絲, 用六角匙, 用開殼器, 之類各種物體, 企圖隊開佢, 但不成功.
內心不斷湧現各種污言穢語. 無奈當時已是夜晚, 唯有繼續砌其它步驟. 這是頭波箱.
轉向果份野.
前油壓架及臂.
原裝有提供波頭防塵棉. 未知作用如何. 不過橫掂俾埋. 就砌埋落去.
中間果粒係前車殼柱. 好辛苦先至塞到入去..==
底板及摩打座.
前二樓板 (留意一直都冇轉向推桿, 就係因為其中一件推桿頭 "密龍" 所以砌唔到).
時間關係, 去吧.. 一:
二:
三:
四:
五. 車型大致上出現了.
原廠提供既工具之一, 小小六角匙, 經不起扭動, 斷了. 砌咁多部遙控車, 第一次扭斷六角匙.
內心既污言穢語再次湧起. 幸好孖星果條都合用. 繼續砌. 呢幅相而家睇返都唔記得係想影乜.
由於未買分體電, 暫時用住直電試試先.
電子野安頓好了.
501 底兜, 噢, 唔岩位..
"扮 501" 既計劃失敗了. 唯有用返原裝殼. 個 501 殼及兜又成為二手區既題目. 裝上原裝底兜:
原裝車殼.
裝埋隻翼 (隻翼尚算好睇, 都叫做有返少少安慰).
算係完成了. 不過的呔膽好似好澎湃. 好厚. 好多. 要塞好耐至塞得晒佢入去.
ok. 訓覺. 到第日, 去 kws 買野. 主要係買波頭, 推桿頭, 分體電. 回程時紅隧收費處唔知乜事, 全部入口都 "x".
滯留左大約 10 分鐘. 這是買回來的東西:
終於有轉向了. 由於 ae 的波頭與孖星的推桿頭係唔 match 的. 所以要連波頭都換晒.
擺埋的電入去. 完成了.
呢部 b44 將會加入 "透明車隊". 同我其它遙控車一樣, 冇色冇貼紙.
last 一幅:
後記: 據說 (唔知有冇記錯) ae 被一間台灣公司收購了. 今次砌 b44, 印象一半半, 有好有壞. 好既地方係, 佢的金屬料似乎比孖星堅硬. 同埋我幾喜歡佢以步驟將物件入袋既做法. 雖然組裝過程中你會發覺好多袋. 袋中有袋. 砌完部車, 睇睇個垃圾桶, 閒閒地六七十個細膠袋. 壞既部份係佢的 qc 似乎唔太好. 推桿頭密龍冇開孔, 砌咁多年遙控車第一次試. 另外係佢有某兩顆六角螺絲個頭有金屬殘餘物. 隊唔到條六角匙入去. 要用鉗來收. 另外係佢幾乎冇多餘野俾你. 一口螺絲都冇多俾你. 每個 step 就用盡晒袋中物件. 成盒車砌完, 幾乎冇野剩低, 係剩低幾片介子, 幾片 e-ring. 第時的螺絲如果滑左或者唔見左, 睇來我都係會用返孖星果的代替. 之前砌其它孖星車剩低好多. |
收藏
勁正
嬲嬲
樓主
