本帖最後由 cfchung 於 2012-1-31 20:30 編輯
而家果D先係抄襲,毫無創意。各廠商只顧赢賽事,你抄我我抄你,一路向速度同性能果面發展。至於玩樂同像真方面嘅出品,已經買少見少。
就算媽星出D新嘢好似F35O&Hilux新山豬咁,用咗拖頭D parts嚟減低成本,性能好咗但像真度就唔夠,結果D銷路都唔係咁好。
加埋而家嘅新一代都偏好打機、上網、玩電話、去wet......等等,玩RC嘅年青人已經唔多,快車高性能都唔會買,何況像真車呢!
如果性能同像真度兩全,個價會............結果都係好少人會買。
所以復刻版的對象大多是六七十後,當年玩過之後爛咗Dum咗,或者無錢買而望住模型舗厨窗不斷流口水嘅三四條嘢老餅。
出復刻版成本較低,銷售對象又有一定嘅購買能力,可以保證成本收益。在全球經濟不景下,先保住個招牌之後等經濟好轉時再發展新產品,是很好的策略。
復刻版可以為廠商增加收入,滿足我地懷舊嘅童年夢想,像真RC玩家嘅追求,舊車借屍還魂嘅零件。而最大損失應該係各大網站嘅賣家同炒家,價錢會被拖低同銷情會被拖慢。
我個人覺得而家擁有一盒30年前嘅nib,個情況同我30年前係模型舗厨窗望住果盒都係一樣,有得睇冇得洗。如果擁有好似亞so屎咁未開膠紙嘅nib就仲慘,剩係得望住個盒,咁樣同向模型舖望都差唔幾。復刻版嘅出現就令到各收藏家可以親身體驗nib從盒跳出嚟嘅樂趣。
|
[複製鏈接]
收藏
勁正
嬲嬲
...... 
而且舊車返出同時提供有關零件, 有部classic 係手, 但買唔到 parts 既慘況可以避免.......
.......用舊design 改良小小物料, cup 返個絶版車殼已經大賣
