請問大家點樣固定 GCP 既電池?

呢個問題其實第一日玩已經好想問, 不過又怕因為自己成日撞機, 所以至有問題.

家陣叫做可以控到一下, 唔會一起機就亂撞, 可以定住再周圍飛下, 但係舊電依然好易走位.
撞機就肯定會走位, 有時甚至完全無撞, 自己降落快得濟, 落地彈一下, 舊電就鬆左, 一定要再插番實.  否則唔係側埋一邊就打哂轉.

基本上, 每次起飛再落地, 除非果次收油收得好好, 落地無彈.
否則, 無論係撞機定係自己降落, 都要再插番賓舊電, 有時甚至成舊電飛左出黎, 真係好鬼煩.

我睇片見人地撞到反哂, 大力撞埋牆再彈落地, 都唔駛再插舊電, 直接在地面強力比油轉兩轉又飛番起.

唔知大家係點樣固定舊電, 係咪真係撞機都唔駛再插就飛得番無問題?

回復 Super169 的帖子

你嗰部係唔係Genius CP? 如果係試吓用少少寶貼, 貼住電池同起落架.

回復 Super169 的帖子

ching,
試下用膠紙黏厚o的

唔該哂先.  
我果部係 Genius CP, 之前試過塞 寶貼去個頭, 然後插舊電落去, 但係都唔多穩.  可能我落得唔夠.  
今晚試下兩樣一齊黎, 加厚舊電, 再加寶貼.
都想問問, 大家舊電本身鬆唔鬆既, 我插左入去, 只要機頭向上垂直部機, 再細細力搖兩下, 舊電都可以跌左出黎.  大家係咪都係咁既?

good

小心隊爆個電池架
我舊個個電池架比我1次意外…