遙控工房之電房車技術

看了半天, 都是車架, 產品介紹, 推銷
沒有甚麼的技術分享, 可悲

技術分享只会引來键盤戰仕出动最後不歡而散

大概香港RC技術, 是從消費中反映出來

19R 發表於 2013-11-13 10:46
大概香港RC技術, 是從消費中反映出來

haha確實如此,e家既車係講求貴的耐撞擊,平的不好撞,技術上就自己去領略模索,一係去友台,這台只有分享二手買賣交投活躍而已,無咩技術會談

19R 發表於 2013-11-13 10:46
大概香港RC技術, 是從消費中反映出來

那也不可以這樣說啊

我看言下之意, 是樓主不大喜歡技術版有太多的產品宣傳介紹吧

今天也有 ching 問點解摩打玩60排電死左

有 ching 問安裝anti roll bar有咩要注意

有人問 toro ts120 esc 重set中位問題

也有人問 TT01/TT02牙差有無方法防止漏油?

不知這些是不是樓主心目中的技術性討論 ?

不恥下問有何傷悲呢？

KENNY110 發表於 2013-11-13 10:39
技術分享只会引來键盤戰仕出动最後不歡而散

非常認同。

新左一排, 中佬一名, 噴下口水, 不喜勿插.

香港人玩嗜好, 好多都係見新奇過癮, 玩一輪, 追一下時尚, 唔點深究, 總之果期興, 型, 靚, 貴, 咁就買. 買完, 又少有話真係掘深D 去研究佢, 鑽研下當中既技術. 玩到悶, 唔興囉, 又轉款, 等等.

單車, 相機, 好似話而家好興, 但其實以我所見, 好多玩家個態度都係咁上下.

你睇台灣, 番邦果D 網頁, 真係水平好高, 當中可以學到好多野, 唔只學到RC, 單車, 相機野, 直情學埋好多工程, 物理, etc. 相關學科既野, 係好鬼正.

香港呢, 唔敢話冇, 但始終係差一皮, 冇人地咁勁.

我自己玩RC, 都未夠半年, 都爬過好多中港台番邦網頁, 大致都係上述個觀察. 不過....

RC 響香港可能個歷史長D, 個技術要求又高D, 玩D 人一般年紀又大D, 以至我覺得香港RC 友個技術水平都唔係低,

響呢個壇, 都有唔少高人. 可能技術討論唔係好多, 但問親技術野, 大致都會引到班高人出黎教下路.

響香港黎計, 算係咁架啦!

系現今資訊科技網路世界內，想問資料技術已經好方便架啦，香港沒咪問台灣大陸，職外語仲容易問，但最重要都系自己，一部車親身試多d吾改動等等，，，

技術問題的post其實不少, 可能答的不夠擁躍, 分享不夠熱烈

香港人現在都較忙, 看論壇也多是拿著手機在車上街上看, 不會即時參與討論, 也難得有時間坐正在電腦前打字

就算有時間也要忙著回覆一大堆 whatsapp 群組吧

香港人搞技術嘢就係咁！其實大家都怕教僥徒弟冇師傅。好明顯嘢例子就係香港人上大陸做導師，之後到大陸捉摸到內裏的技巧，公司就會抄晒啲香港人！試問係一個咁嘅環境/陰影下，點樣有真正技術交流呢！sam

至於技術交流係要發自內心，有人答咪當行運囉，冇人回應都唔使激氣。都係放鬆啲啦，唔想搞到玩下車都咁緊張！係咪？sam

沒錯，香港就是如此

而家係到最好唔好講野,唔係會比人串架,睇下就算喇

有技術果班出緊車鬥緊車開緊舖搵緊錢，得鬼閑系度吹咩

RCandylau 發表於 2013-11-14 23:06
有技術果班出緊車鬥緊車開緊舖搵緊錢，得鬼閑系度吹咩

那麼就讓我們這班業餘興趣玩家來討論分享亦無不可

大家有何問題可以提出一齊分享(set 車問題上）

高手邊會睇科林......落埸實戰,見佢快咪打個招呼..咁就自然識到人啦
技術....好多都收埋架啦

RC 是一様興趣, 玩樂, 大家一起研究分享, 何需甚麼高手唔高手

況且 RC 的車種和玩法很多

一位玩 touring 的資深 ching, 遇著 頭驅的討論可能會變成新手

玩 1: 10 未必完全懂得 12 仔的事情

加上有班玩 XV01, TT02 等的又是另一類改裝玩法

不一定要很有技術或經驗才可參與討論

這些 ching 說沒有 "高手", "高人",  "有技術果班",  那他們倒不如自己積極去分享心得吧  

來多點正能量啊