經歷O左一整個417 O既空白期,終於再次投入田宮懷抱(其實中間係冇買過其他車...哈!),原因係因為yen價低返,架車去返三千幾水平.
車就99%完成,所以肯定係未試.
不過就早兩日係車場已經有人試車,話架車好易走,好好操作.
坦白講,每一多田宮o既trf,由415至宜家418,我真係好似未聽過有人話過邊一代一砌出嚟係唔好走o既.....
至少我玩咁耐由415幾代到416we.....我又真係未試過砌過一架係唔好走o既.....呢個亦都係我鍾意玩田宮o既原因:原裝setting就好走,唔駛諗太多.
由於未試車,所以只能以組裝同埋設定角度去評價,我會話,如果417係416 O既複雜進化....咁417/416去到418,就係化雜為簡.
好O既地方,除O左套臂唔同O左,佢O既臂碼系統係同416/417相同.而部份配件,如轉向杯,我就咁度數睇,都係可以互通.
不過,你會見到418係少O左好多SETTING.例如臂上面俾油壓用O既波頭窿,你只係得一個揀.又或者係轉向杯同尾杯,都係得一個,唔似416或417咁,係有幾個選擇.
或者咁講,玩開果o的都知,其實果O的位,真係未必成日會郁佢嚟SET....田宮將呢O的多餘O既窿全部踢走晒,其實對玩家SET車嚟講,係一件好事....唔駛咁多無論O既考慮.
另外一O的小配件,好似彈弓....我唔知係咪由417開始已經係咁,但418只係跟一款彈弓,前後都係一樣....以前玩田宮車,頭硬尾軟係王道....可能已經唔同晒唔出奇....至少我416年代唔係先.如果跟據玩過o既話原裝都好走.....似乎已經唔駛再前硬尾軟呢支歌仔?
有人話今代418跟少o左o野....就我眼所睇....少o左套轆?不過唔知417果時有冇呀,難於評價,416we果時都有跟o既....
就咁睇嚟講,成架車一定比416/417更扭,因為車摩打都冇上螺絲,只係得一粒咁大把.
頭尾油壓版勁厚,要求油壓反應好高.....相信亦都可能因為車架扭,所以變成前後油壓彈弓唔駛好似以前咁set,可以平均返咁去做.
過多一排去試試車,用原裝setting,感覺下416去到418 o既感覺分別先....
好耐冇搞底板上aa膠同慢慢油壓抽真空呢..... |
收藏
勁正
嬲嬲
樓主
