小心賣家 oncc9394 , 如常買二手野的也請入留意

小弟昨天相約賣家 oncc9394 交收teampower 摩打，交收時檢查過外觀都沒有大問題，於是回家想住焊上電變試清楚有沒有問題，點知唔熟唔食(我第二次和他買野)發現以下大問題:
1. 銅線部份因嚴重過熱而出現多處熔膠
2. 摩打芯表面嚴重破壞性的刮花
逐令馬上聯繫賣家要求退還。當然，財到光棍手，一去冇回頭，賣家即刻反轉豬肚，雖然數目唔係好大，但我對賣家有以下投訴:
1. 刻意性遺漏: 問佢摩打有咩問題，佢只講焊位有少許爛左，對內部損壞隻字不提，故意隱瞞賣爛野
2. 歪理一大埋: 賣家全部推到二手野一定有損耗，我即刻o 晒咀，第一，我買過不下十隻二手摩打，冇一隻係爛 ($70 隻的二手摩打都好佢九條街); 第二，有些微常識都知，點玩玩十年都唔會爛成咁，呢d 唔係叫損耗，係損壞。
3. 不合理要求: 雖然我冇玩過，但賣家以拆開過螺絲為理由，不肯退還。這點非常好笑，唔打開點知爛到咁誇張，唔通個個都係賭聖?
4. 不肯正面回答問題，9唔搭8，又講下佢玩車經驗，又講下佢買左d 咩二手野，又講下叫雞........
5. 故意再氹我落搭，佢話個摩打識轉，裝上車試下玩下先。打開螺絲都唔認數，仲話焊上車度，等陣有咩事一定賴晒我

其實我都知道呢d 有心設陷阱給我的人，百零蚊凍過水，只是作為香港良好市民，我認為有必要把這些害群之馬供出，以免有更多的師兄受害。以我所知這位光棍在天水圍和jv 出沒，玩車時間也與我差不多，我好大機會會再遇佢，到時我影相等大家認住。其他車場我也已找friend 留意住。
證物我會好好保留住，保存得仲好過我架戰車，一日唔解決一日都會好好供奉。
我番工後都問一下公司法律顧問有什麼可以做，同時我也叫我IT 部手下永久自動留意住賣家動向，以免佢再出來騙人。
各位暫時睇住條「屍」先。

師兄我同你掉番轉，個幾月前賣左架車俾同一個人（以上），佢依家同我講架車爛左叫我賠償

師兄開佢名啦！呢個人無論是買家還是賣家都好有問題，唔好比佢出來害其他師兄

強烈要求師兄開佢名

咪就係“oncc9394”

hoyinyin624 發表於 2014-2-5 10:09
師兄我同你掉番轉，個幾月前賣左架車俾同一個人（以上），佢依家同我講架車爛左叫我賠償 ...

咁你可以又講下你玩車經驗，又講下你買左d 咩二手野，又講下叫雞........

買二手摩打帶定支2mm批好d，無刷嚟講，你果隻已經報廢！

hoyinyin624 發表於 2014-2-6 21:20
咪就係“oncc9394”

呢位人兄太離譜，小心小心！

rcracing 發表於 2014-2-11 14:27
買二手摩打帶定支2mm批好d，無刷嚟講，你果隻已經報廢！

係呀！我見到時真是o 晒咀，條友仲要同我死撐是正常損耗，我也是做廠生產馬達，如果只是一般過熱消磁，我可以整得番；如果爛成咁，試都唔駛試，醫番晒藥費如果賣野賣到咁冇品，為左個一百幾十連品都冇，我也會唔客氣話比全世界知

我都唔明點解近期好像又有幾單拿爛野當舊野賣的事件，這裡是二手區賣舊野，唔係廢物回收區
其實賣爛野的人都唔知咩心態，以呢件事為例，又損失左件爛野，又損失金錢，又損失朋友，最緊要係整衰埋自己個名，損人不利已，你話騙到一萬幾千就話姐