HUMMER大翻新 - 舊車翻新指南

係舊工房張貼過,宜家又貼多一次出嚟,等大家可以翻新你O既舊車時有所方法~!^_^

呢架HUMMER係個朋友未俾我前,講到呢架車非常狗肉,已經打算掉落垃圾筒,但小弟堅持唔好!
叫佢俾我翻新,於是乎我就接收咗呢架車..........HUMMER~!

呢O架車原來已經成十年O架喇!
係田宮1996年O既CATALOGUE入面,都有記載到佢O架~!

雖則未必可以回復佢100%狀態,但我會慢慢將佢變成一架正野~!嘿嘿!

第一件事就梗係掉佢落浴缸到沖涼啦~!哈哈!

四條軚都好污糟下,但未算去到好離譜,不過就O的車軚螺絲咬到好實,
有條就直頭比O的熱溶膠JAM實添~!唔好諗啦,大太扭扭扭!終於搞掂!

雖則太有O的老化,仲因為長期擺放,搞到佢有肩平軚問題~!哈!
但冇所謂啦~!同佢沖返個涼先~!

呵呵呵!係屋企發現好O野~!

呢支野我冇記錯係我俾我老豆,但我老豆就一次都冇用到係O架車到,
直頭放係屋企放到唔記得佢存在過!

不過我又諗起想搵碧麗珠時,諗起,係喎!好似有支好O野係到喎~!

宜家有用啦~!嘿嘿!

但其實用碧麗珠都OK的~

車殼同車呔抹完放一邊風乾,宜家到搞個車架.......

個車架真係....相當污糟下~

四支狗骨相當污糟下.....拆晒出嚟抹返乾淨先~!
有支拗咗~!好在,仲有存貨,換支新O野~!

舊O既狗骨,加上巴素擦銅水幫助下,O的狗骨同狗骨杯又回復乾淨啦~!呵呵!

原來呢O架野全車啤鈴喎!拆晒出嚟睇~!嘩!O的沙石多到呀~!
咁就梗係要洗啤鈴啦~!

點洗啤鈴呢?基本上最好就用白電油之類洗....但由於我冇!
所以我改用WD40!加一個小小菲林筒幫手~!

掉晒O的啤鈴入去個菲林筒到,之後噴入WD40,要浸到過晒O的啤鈴咁滿
到啦.....冚埋個蓋,勁搖!

你睇下O的WD40由透明,變成黑色咁濟.....你就知O的啤鈴係幾咁污糟....
哈哈!

洗完一次,倒咗O的WD40,再反覆用WD40,依以上方法洗三四次到,基
本上就都OK乾淨晒~!

洗完之後,幾鬼乾淨呀~!仲轉得好順添~!正!
最好就係呢個時候加返O的啤鈴油落去.
雖則WD40都有保護作用,但係個潤滑作用唔持久,好快走鬼晒,所以加返啤鈴油落去穩陣好多.

如果你用白電油洗的話呢,洗完都要記得用WD40浸佢一次,之後再加啤鈴油~!

車呔洗乾淨,風乾咗一晚,之後再用SOFT99洗洗抹抹,面果到就乾淨晒
唔在講啦~!底果面直頭靚到反光~!因為冇磨花到嗎~!正!呵呵!

終於打散個車架喇.....嘩!污糟到呀~!哈!

車架同車底果O的塵同沙都唔係最大問題~!
最大問題係波箱入面果O的油!點樣洗乾淨佢呢!?!?!?!?!?!

方法就係掉佢落去藍威寶到溝水浸過夜!
最好就係用食雪糕果O的膠盒!夠深,兼夾容量唔會太大!
果個2L雪糕盒,基本上就滿上,落兩至三杯蓋藍威寶.
浸佢過夜,甚至兩日就最好~!尤其係波箱部份~

唔係波箱部份就基本上用藍威寶溝水洗洗佢都OK架喇~!O的塵痴得太
實的話呢,就又係呢,浸佢過夜啦~!

浸完之後,搵隻舊牙刷,刷下佢,刷埋佢積係入面O既塵同沙石出嚟,咁就乾淨晒喇~!

呢個堅呀~!
打散個齒差~!嘩!磨到中間果支三角軸承支鐵都斷埋~!真係非常堅呀~!
哈哈!

好在,我有後備件係到~!嘿嘿!

浸咗成日O既膠件,你睇,水面浮起幾多油呀!

原本咁污糟O既齒輪......

變得幾乾淨~!