本帖最後由 goodwind 於 2017-7-7 12:41 編輯
偉力係 1:18. 環奇係 1:16. (因此環奇越野能力會好啲)
偉力原裝啲膠好軟. 所以好襟撞, 但因此跑直線有時會有困難. 前後防撞架太弱, 裝飾用而已, 一撞就底盤食哂。 環奇啲膠硬一點, 都襟撞. 前後防撞架比較大, 有效保護底盤, 大撞個防撞有機會斷裂但可更換.
偉力原裝啲避震係流嘅, 無油 (自己入都無用, 支避震根本廢嘅) . 環奇原裝避震正好好多. 有油, 避震行程亦長啲.
偉力原裝係銅套, 我自己玩會換晒 啤令. 環奇原裝好似已係啤令. (有錯請指正, 因我印像中無幫環奇換啤令)
偉力輪軸係細啲，換大車(1:10)車輪，要換輪軸, 我搵唔到合適的就自己加工, 環奇輪軸同1:10車一樣，換其它車輪好方便。
偉力用細 servo , 十幾g 嘅, 要換大力防水 servo 比較難, 至少我仲未搵到, 環奇用標準 servo , 同1:10 車一樣. 好多 servo 揀。
偉力有出改用 540摩打 套件, 呢樣好正 ; 環奇因為用標準 servo , 所以唔夠位改, 但小摩打其實都夠快。
玩偉力建議一開始必換︰中央傳動軸, 原裝係膠, 好快頂唔順, 要換金屬；同換避震； 玩環奇必換一對後輪傳動件，原裝膠件部份唔夠力，要換金屬, 前輪無咁受力可暫時不換。
以上係我玩過 5部偉力, 3部環奇嘅少少心得。
|
樓主
收藏
勁正
嬲嬲
