購物車問題 - 請正視

點解又清空左我架購物車呀? 一個月清空兩次,我點樣買野呀? 兩日前仲有7-8個ITEM 在購物車,今日 0 個ITEM .....已經上個月同你地反映了,今個月都一樣,完全無改善....

在商言商，Ｄ客hold住Ｄ貨又唔知要唔要，等同超市之購物車購物籃之貨物，通常收工前都放回貨架，其他客有公平機會選購。

warehouse 發表於 2018-6-1 08:58
在商言商，Ｄ客hold住Ｄ貨又唔知要唔要，等同超市之購物車購物籃之貨物，通常收工前都放回貨架，其他客有公 ...

師兄,你有冇係rcmart買過? 我add左落去購物車的item ,係完全唔會影響到其他人, 直到要打電話去confirm order 先會幫你hold著d貨品.

我情況係我add 左落去購物車之後幾日,會無啦啦唔見左,但聯絡過rcmart,之後佢地話唔應該會發生,正常add 左落去購物車的item,

你一日未去正常買, 一日未去confirm order,一日都應該存在係購物車.

佢地講緊廢話，我琴日剛去買嘢，簡單講呢間嘢買就落單上去俾錢，暫未定總共要買甚麼，已放車仔的用手機影低，下次再找也易Ｄ。

首先為師兄今次不快既購物經驗致歉. 亦想解釋返今次事件

紅色的師兄, 早前聯絡過表達有關問題, rcMart 已解釋過, 要保存購物車既貨表, 必須要處於登入狀態下才可以, 如果師兄無登入作出操作, 是不能保存於購物車內的

先再次致歉, 可能同事講得唔足夠

要保存購物車內物品, 必順先登入再加物品進購物車, 如果紅色的師兄是先加物品後再登入, 物品會於一段時間後消失的

rcMart 再次為今次事件致歉, 另祝各位師兄購物愉快, 開心玩車

已經同你地講個無數次,我當然知道要’登入’左先會見到購物車的item,我星期一’登入’ add 左6-7個item落去購物車, 星期二再次’登入’add 多左2個 item ,我check 清楚有7-8個 item 在購物車,我先 ‘登出’.我如果冇’登入’ 又如何可以‘登出’呢? 昨天星期四早上我再次’登入’,就見到購物車的item 係 ‘0’.

warehouse 發表於 2018-6-1 11:05
佢地講緊廢話，我琴日剛去買嘢，簡單講呢間嘢買就落單上去俾錢，暫未定總共要買甚麼，已放車仔的用手機影低 ...

師兄,已經同rcmart  佢地講個無數次, 佢地個system 可能有問題(bug),

佢地死都只係話我有問題, 冇’登入’ add 左落去唔算數,當我係白癡,

紅色的馬莎 發表於 2018-6-1 15:59
師兄,已經同rcmart  佢地講個無數次, 佢地個system 可能有問題(bug), 佢地死都只係話我有問題, 冇’登入 ...

紅色的師兄, 我地絕對無呢個意思, 只係想解決師兄想遇到既問題, 亦都不斷去尋求有冇第二D師兄都遇到同一個問題, 因為我地都想為大家帶來優質既購物經驗, 等大家買得放心, 玩得開心.

rcMart 為今次事件, 再次致歉

原本我都唔想多講，但紅色師兄無講假話，Dinballian師兄請翻查紀錄，我前日落單買xisport主板及二樓板，全個程序完成亦給予我購物單編號，原想打電話通知1小時後到取，但見你地收5點我可能白行所以啉住琴日朝才打電話約取貨，點知琴日朝成張單唔見咗，心裏媽媽聲又要重頭落單，落完那那聲立即打電話通知1小時後到取，唉！時間好緊張，遲些又怕張單消失。

心底話我對rcmart是又愛又恨，愛它是貨多1達地方便可買齊，唔駛東奔西跑，恨它是做生意太執著太制度化，我買了7部kit車,其中1部sakura d3 其中1隻啤令不順(車砌到一半)，我攞上去要求換1粒啤令(不是要求換kit)，某人話要寄番粒啤令去厰檢查如確定為質量問題會通知更換，但需時幾星期，挑！1粒啤令幾蚊，買了成萬蚊嘢唔通會搭車來回呃粒啤令，還有其它..................自此我很少上去買嘢 ( 並非rcmart問題，我愛它，但我年紀大心胸窄想留一點尊嚴 )，東奔西跑麻煩一些但心裏舒服。

我都有以上情況,我都覺得很麻煩，有時在購物車選了十幾二十件野,但唔驶一星期全部清空，有時選好的東西都好花時間，又要就佢地時間先上到去,５点就收工,星期六又早收,假期更唔開，所以而家只選Ｄ真係出便難搵冇辦法先上去買野,真係好似樓上ching講,又愛又恨。

原來咁多人比佢地清空過，
有時買D垃垃雜雜，諗住廢事行一轉，
放購物車到，夠兩百咪 HK3SHIP 咯，
點知清空咗，都冇心機響佢地度買。系統有D落後咯

Dinballian 發表於 2018-6-1 18:42
紅色的師兄, 我地絕對無呢個意思, 只係想解決師兄想遇到既問題, 亦都不斷去尋求有冇第二D師兄都遇到同一 ...

已經連續投訴左3個月,前兩天我的購物車又再次被你地清空, 你地公司個system 有問題(bug), 唔該去整下佢啦! 唔好淨係識 講 :[致歉,  再次致歉] 之類說話.