各位對touring car每年轉款有何意見

幾千蚊買架車返來，每日收工砌車都要一兩個月先砌好，隔幾星期夾到時間先可以去玩一次，好難得先set得好架車，玩吾夠一年又話出新款，d舊零件又開始無得買，原本改良架車係好事，但改得太多又不兼容舊車就有d反感，大家又有何意見？

直頭討_厭,Xray還好只少改,BD7 15 16 17年年不同,幸好我早日賣出,目前不會追款,只求玩樂心態玩1700蚊3racing算了
車廠年年轉款就係為賺錢,理得你有無件
好多有錢既車手又認為乜你玩部車玩幾年仲吾散咩?快D換啦

賺錢之餘都要兼顧吓社會責任，一般年青人無錢買新車，買架二手車來玩又話無件，攪到更少人肯參與呢個活動，好難發展普及

冇零件主要係店舖唔羅貨。

一方面模型舖見轉款都吾敢入貨，另一方面就算想入，但廠方已停產又無存貨，邊有件賣？好似我之前玩vbc D07, 搵食粥訂個尾碼，訂左幾個月都無，吾係因為店舖無攞貨，係因為vbc已停產呢件part, 好彩佢d尺寸無改，可以用D09個碼，但要些少加工先用得

我都諗過呢個問題。無件的確幾傷感+反感，
避免傷感，我都只想玩D少轉款嘅車，如 CC01、F104、...
孖星 F1 車架較精簡，唔同代嘅 F1 相容件相對較多。
不過孖星件翻貨十分慢，搞到想買多架耐玩嘅 12仔玩。

---
同埋我心信，玩 F1或Pan car，比起玩 Touring car/M車，靠手指多過靠車，所以更加冇必要經常換車。

生意角度，唔出新款，何來收入？試想想如果人人部車都玩十年八載，間廠冇收入都摺得啦！如果可以做到大部分零件都可以新舊車共用就功德無量喇！当然价$貼地D就最好啦！有人要新款，有人念舊，各取所需，重要嘅係玩車可以禮讓D，忍手D，少踫揰，自然少爛嘢，parts都買少D啦！又唔使嘥時間維修，又可以多D時間玩車咪仲好！以上只係個人意見，不喜勿插，謝謝！

tamiyarx 發表於 2018-9-12 08:09
生意角度，唔出新款，何來收入？試想想如果人人部車都玩十年八載，間廠冇收入都摺得啦！如果可以做到大部分 ...

其實問題係有無需要推得咁快？可以對架車作出改良，但不是每年大改，因為大改會導至無零件問題，好似T4 15, 16, 17咁改可以接受，因為底板兼容，T4 17上18就衰格，另外BD8 2017上2018又係乞人憎，d底板窿位改晒，底板屬消耗品類，就算吾撞，正常都有損耗，改動完全無考慮舊形號，揸緊舊車嘅人有被騙，被出賣感覺，咁多錢買你品牌架車返來，玩吾夠一年又話無零件，咁仲會吾會再幫襯？

所以玩TT02  TT01

其實車係咪一定要改咗先好走呢?
係咪舊款車一定行唔到呢?

講到尾，咪又係心理問題。

你話用架TA02同架419比O既，咁梗係冇得比啦。但係唔見得一架418一定唔夠一架419鬥先啦.......

換唔換又係睇自己。

好多牌子車其實仲有大把零件供應，只係香港代理返唔返。

不過大牌子，大路車，係自然有零件供應著數，呢層就亦都冇得比。

https://www.rctech.net/forum/electric-road/1025522-cheap-vs-expensive-cheap-wins.html
3racing Zero都有T4咁快， 只要識set車舊車都可以好好玩

即係好似iphone 咁....

965 發表於 2018-9-16 13:05
即係好似iphone 咁....

不可以手機作比喻，因為手機晶片混算速度額實比早幾年快，新款2018年iphone 同舊一兩代iphone相比，係快好多，無得比，但以T4 2018同架7年前的3racing zero鬥，zero係竟然可以赢到T4 2018, 證明車架實質進步不是太大，係商家們製造的假象，令我們覺得新車比舊車好，正如板主所講418未必輸比419，轉款真係心理影響多於實際需要

tc3driver 發表於 2018-9-16 17:01
不可以手機作比喻，因為手機晶片混算速度額實比早幾年快，新款2018年iphone 同舊一兩代iphone相比，係快 ...

遙控車其實相差三四年O既款，速度唔會有大分別。大分別O既只係用乜摩打咁解。
只要設定得好，一樣咁玩。

有啲車點解要轉款，原因並唔係因為之前架車唔好走，係因為要就返佢果間廠果一年鬥啲咩賽事。
因為每年O既賽事都有唔同，有時係室內，有時係室外，有時係瀝青，有時係地毯。
佢地轉款就係為果O的賽事SETTING改變而設。佢總唔可能出一兩件嚟收唔返個成本，一定係出一LOG出嚟，跟住當新款車出嚟賣。

當然，由416,417,418,419咁樣上呢O的，就係真係改，原因係因為賽例同技術改變，例如由珠差前單變成牙差前直濕，水電變鋰電。
呢O的都係大改善所以要改。但通常都幾年先轉。

AMAT 發表於 2018-9-17 11:46
遙控車其實相差三四年O既款，速度唔會有大分別。大分別O既只係用乜摩打咁解。
只要設定得好，一樣咁玩。
...

“珠差前單變成牙差前直濕，水電變鋰電"……呢d改動係有實際進步，可以理解，最衰係改晒d螺絲窿位而又不兼容上一代車款，吹噓話好灣，快咗零點幾秒呢d理由，當我地d車迷儍仔咩，架車快吾快係睇麽打電變電池，咁改法改到無零件就失敗，當然車廠係有權大改，但作為消費者，我們都有權吾買! 要消楚地帶出一個訊息: 成日大改是不受數迎

tc3driver 發表於 2018-9-17 12:43
“珠差前單變成牙差前直濕，水電變鋰電"……呢d改動係有實際進步，可以理解，最衰係改晒d螺絲窿位而又不 ...

去到世界級果O的比賽人士，其實都真係有啲用.....
但問題係佢技術上好咗定係真係架車令佢快咗.....就真係好難講......

建議搞個"長玩長有"積分賽。
每年出兩次賽，鬥儲三年積分，每一個積分紀錄只可用一款同型號車儲積分。換車嘅話就當重新累積積分。
即係例如 前兩年用 T4  2017 玩咗兩年積分，如果今年轉用  T4  2019 咁就當係新紀錄要重新累積積分。如果N年後用返 T4  2017 玩，仍可用返之前兩年嘅積分繼續儲分。

如果真係有呢個比賽，你估有幾多車場/商戶反對呢？

sfdo 發表於 2018-10-28 11:49
建議搞個"長玩長有"積分賽。
每年出兩次賽，鬥儲三年積分，每一個積分紀錄只可用一款同型號車儲積分。換車 ...

個個都反對，因為叫O的鋪頭食風。

好多時香港鋪頭好被動，等如你叫人仲玩啲舊車O既，你叫佢地搵到幾多啲舊PARTS出嚟先?訂都訂唔到，既玩死鋪頭，亦都玩死車手。

sfdo 發表於 2018-10-28 11:49
建議搞個"長玩長有"積分賽。
每年出兩次賽，鬥儲三年積分，每一個積分紀錄只可用一款同型號車儲積分。換車 ...

好難界定一架車嘅型號，eg, T4 15用17底板是否仲當T4 15?其實唔係唔比d廠商改，但改要考慮舊車兼容，好似今期T4 上19都可接受，因為T4 18可用到19底板，手腳，差速一樣，但yokomo BD9就90%改變，BD8 2018車主就惨，二手車價大跌，零件成日轉，模型店入貨都吾敢入咁多，副廠亦都難做零件，不過呢d都可能係yokomo廠策略，吾想比副廠賺，獨食！

tc3driver 發表於 2018-10-30 10:48
好難界定一架車嘅型號，eg, T4 15用17底板是否仲當T4 15?其實唔係唔比d廠商改，但改要考慮舊車兼容，好似 ...

梗係唔係啦......

YOKOMO TOURING車唔講，啲飄移車完全比副廠零件食晒佢地正廠零件O既市場，搞到宜家連新車都唔出。
早排靜岡展直頭唔擺展。

YOKOMO俾副廠食得好傷下，咁都仲未好似KYOSHO咁要執要重組真係算好好彩。