銲摩打

各位師兄，請教銲請個頭嘅摩打有無秘訣，上唔到錫，係側邊流曬岀黎。

未銲之前可以試用幼沙紙磨下。

我自己做法就熔左d錫起電線先，之後先焊落摩打道先再加錫。焊完最緊要check下係唔係假焊

焊唔到，第一個問題係要知你用緊一支幾多W(火數)O既辣雞。
第二個問題，就係你點樣辣法。

要辣得好，預先上錫呢個工序唔少得。
無論摩打個接頭，又或者條線，都要上好錫。

上錫方法唔駛咩磨下佢，要啲錫上到去，係要個被焊O既面溫度夠。

如果你唔係兩邊上錫，就咁放條線埋去係咁辣，點辣都冇用。

摩打焊頭個銅面要先上錫。
電線都要先上錫，唔好上一面，係要見到佢啲錫溶入啲線芯到。最好係落完一邊錫再落埋另一邊，確保佢係上晒。

摩打同電線都上好晒錫，先再埋一齊，再用辣雞熱溶電線上O既錫，見佢溶落去時佢就會溶埋摩打果邊啲。一溶就可以離開支雞，吹吹佢就焊實。

上唔到錫就點少少上錫膏
60W辣雞夠做,唔夠就80W

嘩，原來有不少是熟手焊工。

焊時用紙巾拿著電線

d鍚質量唔好都會唔上鍚

首先  先檢查你的焊槍溫度夠不夠   30W焊馬達有困難，熱容易被馬達金屬外殼傳導帶走，
建議60W以上，有瞬間加熱鍵更好。(個人是用恆溫焊槍)
如果你發現你的焊槍只會溶解焊錫，卻不會把焊錫吃在焊頭上，那是烙鐵頭過熱氧化，要換焊頭。

以上都沒問題的話，那就是手路問題，以下分解動作供參考。

1. 先把要焊的線頭剝皮，露出金屬絲，用手擰紮實，整個線頭插到助焊膏，將助焊膏上滿
2. 焊槍頭先上一點焊錫，將焊錫上到布滿助焊膏的線頭上，此時有發煙及焊油沸騰的現象為正確，這樣焊錫才能吃到線頭內側。
    (若無第一個塗上助焊劑的動作，這步驟很容易造成假焊，要注意)
3. 用針狀物將助焊膏塗抹到馬達三個極點上 ，並個別先上一些焊錫。
4. 焊槍上一點錫， 然後將剛上滿錫的馬達線拿靠近馬達的PHASE,讓焊槍的錫同時接觸馬達線及馬達PHASE
5. 三者的錫融在一起後輕輕將焊槍抽離，大口吹下氣，完成。

在YOUTUBE 上搜尋並看一下真實的作業流程，也許會有幫助的。

C:\Users\Administrator\Pictures

如果你是焊exactly 呢個摩打的U 型位，有可能是你不能第一下就焊好，破壞了個U 位，解決方法是放棄焊在U 位，焊在平面上，不影響功能的。
呢款摩打好考焊錫功力。

咁多大師教路，相信佢已經成功焊到。

焊接講解，希望可以幫到手喇。

得咗，謝謝大家。

AMAT 發表於 2019-5-23 05:49
焊接講解，希望可以幫到手喇。

正呀