3 Racing Mid ship Advance 新款電動房車

登錄/註冊後可看大圖

一定買

出 sport 版一定買

點解要買SPORT版呢?

其實SPORT版啲料真係軟咗啲呢，同埋MID SHIP出嘅原因唔係玩慢車，係玩快車，如13.5T TURBO，MODIFY等等。
MID SHIP設計，係因為宜家啲快車動力高，用中置嚟平衡佢動力輸出，等佢快得嚟亦都易操控。
SPORT版啲料太軟，根本就頂唔到，亦都行唔到MID SHIP出嘅原因，即係浪費。

AMAT 發表於 2019-9-11 14:19
點解要買SPORT版呢?

其實SPORT版啲料真係軟咗啲呢，同埋MID SHIP出嘅原因唔係玩慢車，係玩快車，如13.5T T ...

百貨應百客，唔係個個買車都會落場同人鬥，如果3R膠件你都話軟，咁雙星TT02啲膠咪仲軟，雙星大部份10仔連底盤都係膠做，仲有人買？

[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟，壹向都有D水準，當支持港貨如果Sport出的話我都會買架平平地玩下。

500EVO 發表於 2019-9-15 06:42
[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟 ...

如果膠車無市場，雙星呢類大公司都唔會花心機時間去做開發(講真，雙星同外國大廠出膠車又唔見佢話唔好)，玩車唔係個個都一定要落場比賽，有時得閒拎落球場跑返幾轉大有人在，你有大把錢買貴車靚車唔緊要，但無必要抺殺純娛樂玩家

貴姓黃生 發表於 2019-9-14 10:02
百貨應百客，唔係個個買車都會落場同人鬥，如果3R膠件你都話軟，咁雙星TT02啲膠咪仲軟，雙星大部份10仔連 ...

3RACING同雙星用嘅膠料完全同，硬度亦都同。

TT02設計係要嚟玩啲17.5咁上下摩打，唔同MID SHIP本身係為快摩打而設計。

個比喻完全唔恰當。

500EVO 發表於 2019-9-15 06:42
[百貨應百客]壹句講曬真係好好，每個人買車都有自己要求，我自己買左都係玩下就造景品，而3仔D膠確不是太軟 ...

個波箱太軟，架車組裝時困難度大增，行起車上嚟膠料變熱變軟令架車行起上嚟鬼。

玩17.5T就冇問題，玩MODIFY就相當大問題。

貴姓黃生 發表於 2019-9-15 09:25
如果膠車無市場，雙星呢類大公司都唔會花心機時間去做開發(講真，雙星同外國大廠出膠車又唔見佢話唔好)， ...

唔信人地講，死唔信邪，咁你咪等佢出膠版到時試囉。

田宮用嘅料係同3RACING用緊嘅料係完全唔同。田宮車架大部份係ABS料嚟

其實好多間廠點解每款車都要出高低價版本呢，就是市場上的需求問題，本人都知PRO版質料一定是高於Sport版，吾係點會貴成倍價錢，但各車友都有自己要求，如果吾係TT02或平版車邊有人買，有D車友祗求擁有或玩下就算，自然買平價版(包括我自己)，各有各要求所以[百貨應百客]講得好。

AMAT 發表於 2019-9-15 17:42
唔信人地講，死唔信邪，咁你咪等佢出膠版到時試囉。

田宮用嘅料係同3RACING用緊嘅料係完全唔同。田宮車 ...

玩過三部3R SPORT膠料入門車，SS貪得意改左碳纖同少量金屬件，NU同M4無改(覺得入門車改黎無咩用)，雙星最後一部膠料車係十幾年前TA04R，跑街玩起上黎感覺唔出3R膠料有幾軟，或者我唔係咩頂級車手敏感度又低，我又不否定貴價車好處(理論同心理上會覺得好啲)，但要我比千幾二千蚊買一部車架就真係無呢個需要，慶幸自己感覺比較遲鈍，無靈敏觸覺，但都不失為一件好
百貨應百客，無必要因為自己喜好而否定其他人選擇，大家吹下水，中意買咩車就買咩車，唔洗咁緊張，放輕鬆

500EVO 發表於 2019-9-17 09:00
其實好多間廠點解每款車都要出高低價版本呢，就是市場上的需求問題，本人都知PRO版質料一定是高於Sport版， ...

入門車都有佢作用，不小人都係買部入門車試玩，玩出興趣再升級玩頂級車，如果一入場就要先付幾千蚊買一個剩車架，未必吸引到人
我買車都係擺多過放，一個月玩唔到一兩次，只係配個車殼當做擺設
自己又中意睇賽車，真車買唔起更唔好話賽車，買部遙控車當做滿足下

Touring 黎講現階段差不多所有出 Mid Ship Kit / Conversion Kit 都是為了使架車在高速時表現更佳，即是要“超”高速！所以出入門版看來是背道而馳。做生意始終要睇成本效益，除非能夠做到部入門版 Mid Ship 有綽頭好賣得。當有一天 Mid Ship 已成為基本設置（大路）時，可能你想找不是 Mid Ship 的反而好難都唔定！

聽講 Xray 今年出 T5 而不是 T4'20。唔知是否真！ 係 Mid Ship 設置？ C Hing 們有無內幕消息？（可以婉轉啲，合法就得）

pecky38 發表於 2019-9-17 13:26
Touring 黎講現階段差不多所有出 Mid Ship Kit / Conversion Kit 都是為了使架車在高速時表現更佳，即是要 ...

有一啲朋友認為，百貨應百家就係最好。

但如果為咗應百家就去出一架出完玩出嚟俾人話唔得嘅車，咁出嚟做乜?
出嚟俾人話?

又唔係賣得多，開套模又貴，出完俾人係咁上網話唔得，俾我係老闆我都未必會攞啲錢咁嚟蝕。

希望3仔或Xpress等等車廠繼續出D低價好車造福車友，令更多朋友加入玩車。

雙星TA，TT，M系列遙控車一向都以膠料為主，賣咗幾十年一路長賣長有，又搞復刻版，如果膠料車係一啲朋友認為唔掂，雙星真係錢多到唔知點洗好

500EVO 發表於 2019-9-17 19:09
希望3仔或Xpress等等車廠繼續出D低價好車造福車友，令更多朋友加入玩車。

有啲朋友係唔支持港產入門車，但國外名牌入門車佢地就會全力支持，月亮都係外國圓啲

市場上有競賽級車架和入門級車級可照顧有唔同需要既玩家, 絕對係好事