今日終於有時間係PYC試咗三隻13.5 outlaw摩打。 其實因為本身我地都有贊助牌子,不過因為贊助牌子真係唔夠快喇,所以想試下一啲比較本土牌子,睇下有邊隻本地薑比較適合宜家香港唔少13.5賽事上面用。所以我係隨機揀咗三個牌子,YR Hackmoto, 3R Magnum同Arrowmax Dash RS. 今日測試三隻摩打都試咗小小唔同setting。首先就試咗大約3.7齒比,大家都係扭到大約3150kv同4A電流,blinking mode,感覺嚟講以手感同速度計(其實有睇到圈速,但有其他車在場不能作準),當中Dash RS最好,尤其係出灣表現嚟講,好有punch。排係中間就Hackmoto,其實非常接近Dash,但每圈可能輸大約半秒左右,punch都有但冇咁高。3Racing Magnum就排第三,比較柔順,但直路極速感較好。 之後再試扭大end bell,Dash就似乎3300樓下會感覺較佳,過咗就會有種唔太再去感覺。但3R magnum就似乎好適合比較高range,3300~3400有最佳反應,但都係好柔順。至於Hackmoto就非常接近似於Dash嘅情況,3300KV樓下會比較好用。 整體嚟講,如果係一啲限KV比賽,Dash會競爭力高啲,如果係行turbo嘅13.5就3R Magnum會較佳,因為高KV數出力更好。至於點解唔係Magnum 限KV會好啲,咁係因為冇Turbo下,Magnum啲灣會較輸蝕。至於Hakcmoto如果覺得Dash貴(大約HKD790)或買唔到,咁Hackmoto (大約HKD600)都可以頂住檔,但不過兩者其實價錢差唔多。 其實之前問過Arrowmax同3R,佢地都係話大約3.5齒比就Blinking,4.5左右就Turbo。Dash再進取啲甚至可以係3.38左右係Blinking到。我自己就因為想試大小小KV,配合宜家啲3500KV比賽,所以試3300KV係3.7齒比,速度可以快到0.2~0.4秒每圈,但又冇話有腳軟感。 個人暫時推介就係Arrowmax 嘅Dash。以上供大家參考下。 利申: 三款摩打都係由我地自己俾錢買,冇任何贈送或廣告成份。
|