[開箱測試] 四驅越野M車新貴 - 田宮XM-01PRO

田宮嘅M車試過唔少，頭驅由M03玩到去M07，一直都好期待田宮出架似樣嘅四驅M車。今年終於都等到，就係今次要介紹嘅XM-01 Pro。

究竟呢架由XV-02變出嚟XM-01 Pro四驅M車，有乜令我咁期待? 架車配件又係點? 行出嚟嘅感覺係點，同埋可以有啲咩改裝? 今次就同大家分析一下。

協力
田宮模型香港代理 - 偉高模型
田宮模型香港旗艦店

其實擒日真係想試架TRF421，但見個天咁樣，就順便帶埋呢架XM01 Pro 入去，萬一真係落喇，都有啲嘢玩拍下。

結果真係只係試咗兩轉架421，都仲未可以SET返好個電變頭尾段，佢就嚟落雨，就拍得兩轉。所以索性就攞架XM01 PRO玩車。

但真心講，呢架XM01 PRO可塑性真係好高。至少我原裝車，我係灣仔橋底同PYC試，架車行出嚟都係好正形。當然油門線位同快車一定唔同，要練一練，但真係好好走。甚至係落雨時，原裝呔大部份時間都係行得好好，係我特登大油嚟入佢先會同我甩下，否則就算係大直路狂FULL都冇唧唧下問題。

個防水蓋係頂到。返到嚟架車係濕晒，但個防水蓋入面係乾爽，做到嘢。所以個人覺得攞佢嚟玩水戰，係絕對冇問題。

將來遇到呢啲天氣，都帶埋佢出去，因為真係相當之FUN!