油壓問題詢問

想問一問，田宮遙控車原裝的CVA油壓，當用力㩒在車上，車身會立刻彈回原位，但如果更換為高端的金屬油壓，用力壓在車身之後，車身會慢慢彈回，但好像仍返不回原本高度，請問金屬油壓是否如此？還是CVA油壓較好？

咁係因為你安裝油壓肺時，有冇推個油壓芯上去嘅問題。

油壓油當然會有關係，但一般田宮都係跟400號油，無論咩型號。當然，油壓芯個拍幾多個窿都有影響。但暫時以大家都係四個窿嚟計。

你想支油壓芯唔好彈，只要係放上油壓肺後，將油壓芯推到去最頂，掂住油壓肺，由得啲油漏出嚟，但再冚好個油壓肺係個司筒，再扭實個油壓頂蓋，咁支芯就唔會咁硬彈出嚟。

膠油壓同金屬油壓都係結構一樣，所以唔會話一個彈一個唔彈，都係安裝時有冇推高油壓芯結果嚟。

謝謝。咁想問吓油壓究竟彈得快好定彈得慢好？

Chip1 發表於 2024-9-3 04:24
謝謝。咁想問吓油壓究竟彈得快好定彈得慢好？

正常情況都唔會希望係支油壓芯彈出嚟。

因為油壓芯作用係作為油壓動作緩衝，唔係作為"彈弓"咁用。
如果你襟佢佢係好大力咁彈返出晒嚟，其實係即係你彈弓嘅反應再加埋油壓油彈果下力，咁你架車個反應就唔能夠用單彈弓反應嚟SET。

不過就都要睇場地。如果個地係中抓著力至高抓著力，最好唔好彈芯。
如果係低抓著力咁就可以SET 50%彈嚟增加個抓著力感。

REBOUND果下可以透過係扭油壓蓋時，油壓芯係唔同嘅位置度，再扭實個蓋果下嚟去控制。
但如果覺得自己控制唔到，咁就做唔彈芯會最好。