簡單分享 ： Rlaarlo X12S

Rlaarlo X12S （ 1：12 4WD Buggy )

如果要睇性能表現，可以係 YouTube 搵，依家嘅大陸品牌在發售之前，都派俾外國 YouTuber 拍片。

呢架車真正開售時間係 12 月 16 日，買之前我睇過唔止一條片，個避震架會跳散，咁攪唔知係咪會好趕客，但解決辦法係用 4 條長鑼絲貫穿個架同波箱蓋，其實個洞位本身設計都係可以貫穿，後來有人建議係用 M2.5 x 16 ，但我買長左，用緊 M2.5 x 25。

我最後前後避震架都換左鑼絲，共 8 支，攪左我成晚，但其實架車未落過地（ 我驚玩壞所以先補強 ）。最後我只係係屋企門口打左幾個 8 字，所以行車感受可以後補，慢車係好柔順，快車又爆，架車暫時我覺得係偏甩尾嘅四驅。

另我換左個古代 KO 接收同控。

如果睇 YouTuber 試車嘅片，我係有期待嘅，因為架車行 3S 電都幾快下，個後避震架跳到散可証明佢唔太慢，其實同廠之前有架 AM-X12，同樣都是差不多設計的 1/12 4WD Buggy，不過有新款當然買新。

講下價錢，係 RTR，即係包全車，呔，電子野，控，一條 3S 2200mah 電，共人仔 $768 ( 我係一出就買，依家可以再平幾十蚊 ），額外 3S 2200mah 電一條價錢係人仔 $108。

電我覺得要買佢嘅，因為佢個車倉空間係用得好盡，每樣野都幾近無多餘空間，包括車池倉。

最後講下個款，呢代有兩隻色，深色嘅好明顯係扮緊紅牛 F1 個拉花，但應該係版權問題，所以睇真一點佢唔係寫 Red Bull，呢個係我覺得可惜嘅地方。

補返條 link :

Rlaarlo X12S :
http://e.tb.cn/h.TUySrUXSXnif58o?tk=2xkc3ypzvz7

兩排電嘅玩後感：

因為我唔玩跳台，又可能一開始就做左補強，所以車架我覺得 OK，最意外係架車出奇地行得筆直，無做過 Toe in/out 或任何推桿嘅調校下，我覺得好意外同高興。

因為架車我都係粗玩，玩完架車涼返之後，我都會同佢沖涼，所以長期玩會唔會生銹，都係一個我會諗嘅問題，或者之後再做個分享，完。

謝謝。