極x有個老闆真係當d客瘟神咁

鴨比 發表於 2014-1-9 17:11
哈哈  原來個名係咁解   對唔住我錯鳥

咁又吾洗對吾住，只系我本身買野都吾鍾意問人太多野，只有岩就買，吾岩咪去第間囉

其實佢… 對臉孔較年幼嘅師弟，會有啲大佬款，對住年齡較大嘅客人，會比較有禮貌，如果你有一頭白髪走入去，佢可能會更有禮貌㳟候… 我見過...就係咁樣….

原來Andy哥哥系甘尊敬大過自己的客人o既^o^

死喇！尋日我仲係新人區同新人講    「食粥是間好好的模型店，可以慢慢睇慢慢揀」 要盡快D通知番佢先得。

其實N-Dee係一個好典型既香港舖頭仔老闆，錢想賺，耐性無乜。老實講，如果一個新手諗住袋住一疊銀紙入去由乜都唔識問到識再買齊哂D野，揾佢真係唔係好岩。但係佢做生意算係好老實，雖然做人誠實係應該，但係呢家野今日響香港唔係間間舖頭做到。

我入去又冇咩野喎, 買一百幾十都開口埋口多謝
利申:中學生

係咪收錢果個 、我買完野俾錢都講多謝、不過我好小起入面睇野、成日眼望望！

我覺得大多數人對 Andy 可能有少少誤解，我平時都唔多出聲，自己好靜咁睇野，唔多唔少都會留意到佢同啲客人之間嘅談話，其實佢份人無乜野，只不過係鍾意講笑串下人咁，起初我都覺得佢幾難相處，但原來呢啲係佢同客人溝通同相處方式，其後習慣咗就唔覺得係咩一回事，的確有啲人唔熟佢時，第一個印像係唔好嘅，我好明白，起碼我以前都有咁嘅感覺，但識得耐咗就知係誤會。

呢間舖真係算唔錯架喇，最初幫襯時嘅印像好深刻，果時佢重係單邊舖未擴充，我入去睇野，入面長期都人頭涌涌，睇咗一陣間野最終只係買咗支 $1X 嘅鑼絲膠，但佢都同我解釋呢支野係點用，怕我買錯，直到而家，我間中入去買野可能都只係幾十蚊或者十幾蚊都有，Andy 都無話黑過面，重多謝前多謝後。

點都好啦，總之人嘅相處，好多時都會產生誤會，好多野了解清楚就會得啖笑，都係果句，選擇你自己鍾意嘅舖頭買野咪得囉～

soup_soup 發表於 2014-1-9 21:52
我覺得大多數人對 Andy 可能有少少誤解，我平時都唔多出聲，自己好靜咁睇野，唔多唔少都會留意到佢同啲客人 ...

呢幾年其實已經收斂左，以前響細舖真係仲癲呀。同D熟客真係用粗口溝通（其實佢D粗口麻麻），搞到其他客真係幾尷尬，星期日又例休息。

搬左大舖可能一闊三大啦，依家星期日都要開，又賣多好多玩具級貨品，始終揾錢係最重要，阿dick最近又啤左件出黎。

以前覺得axxx好串,原來誤解了他,不要在放工人多時候買嘢,3-4pm無乜人,他是幾肯吹的,講真,依家的鋪租咁貴,一定要支持下,總之極X係幾有heart的店鋪,希望他們越做越好

鴨比 發表於 2014-1-9 16:50
wa原來咁多人受過佢氣我強調成間鋪得佢一個態度差  有個後生仔staff好好人  比錢買野都要無啦啦受咁多氣   ...

黑店老細緊係唔會對你黑面啦 黑走你仲邊有人做水魚ND份人冇乜嘢嘅,你去熟咗有時仲會話你知有其他比你要果啲仲平仲好用嘅比你

Allan007 發表於 2014-1-9 22:48
呢幾年其實已經收斂左，以前響細舖真係仲癲呀。同D熟客真係用粗口溝通（其實佢D粗口麻麻），搞到其他客 ...

我唔係成日去都成日聽到爆粗架啦.......

佢對啲中學生又好有禮貌既，。。有時行出去既時候多謝晒

係佢度買唔過小野,不過一直都係搵肥仔,係收錢先同佢講兩句,有時佢把口係串d,但收錢都會講多謝,講得好聽就同聲同氣,唔係你就會覺得佢好臭串,如果你買野要有大公司服務同禮貌,食粥就唔係咁適合你,貪平就要接受下喇

其實大家都係做生意 唔鐘意咪第二間 港RC car鋪其實還算多
老闆都係人 自己執生啦

我玩左唔耐.但所有野都係係ANDY到買,我覺得Andy冇乜野,我反而仲應為佢好好人,
有時有D問題問佢,佢都會解釋,DICK仲教左我好多野,次次味入門口(食煙),ANDY,DICK都同我打朝夫,
可能大家只係應為佢講野直掛

亞的同安迪真係冇乜嘢，正常廣華街式待客態度，反而果位四眼哥仔店員就認真趕客，有次人多入到去，逼唔到入孖星parts櫃，見佢又問我有乜需要，咁好啦，我講佢聽我要乜嘢parts,佢諗都有諗就話冇，我再問有冇某種工具，佢同様答案，我覺得有D奇，我要嘅只係大路嘢，黑到要乜冇乜？
卒之我決定逼入去親眼望，最後係我要的全齊……
而家我去親都係等佢兩老有空先買嘢，亞的有時會示意我可以揾四眼哥，我有再試過，但效果依舊，好求其………

現今社會，又平又有禮貌才是皇道，希望d老闆明白這才是零售業嘅趨勢

我平均三次入去只買野一次，未有對我黑面.

上面講得岩  而家咁多選擇上網買又得  上樓買又得  行遠D又得
我而家都習慣左去第間買  費事開名以為我打手
睇完咁多留言  人夾人緣啦  佢做到咁大當然有一大堆熟客幫親啦  個到咁貴租
只能說我有過不快經歷  我自己就點都唔會再去極X