極x有個老闆真係當d客瘟神咁

次次問佢野都{banned}
我本身就想買野既  
本身佢有個後生仔staff都好有禮貌解答緊我
最好笑係佢竟然叫個staff唔洗理我
我唔知佢其他老闆係合伙人定點
如果我係佢地就一定同個條友拆伙算啦
放佢係到簡直倒米
我本身都係開公司做生意
而家仲用呢d態度對客真係奇跡

我估你講緊 _ndy, 都係架, 佢個款擺明唔優做架啦, 好在D伙記禮貌都算好

條友好無禮貌，四個月我新手喺佢度買齊所有野四千蚊，買左支gt3c控玩左一次後唔知咩事唔識郁，我咪拎去换！然后佢好大聲話我整壞，講真有問題咪拎去代理囉又唔使你整，錢你都收左啦！佢脾氣唔好我咪惡過佢囉，到最後咪又喺俾番代理

你直頭講緊KWS Andy佢爛面方國耳後見腮又爛口又臭串佢係老細,佢個款擺明唔優做架啦,3點先開, 我地慣左啦,你唔好問佢咁多,問一句頂你9句,你最好鎖定目標俾錢快走人,
佢地咁把炮基於價格平D,好在D伙記都算係人,唔係kws佢算平,如果有第間比佢平你睇下佢可唔可以咁臭串吖
有時心諗睇佢幾時執,點知佢又坐大,鬼咩,其他果幾間又唔爭氣
為左平....忍下啦...唔通貪佢好態度呀

可能我比你好彩，我覺得佢地全部都幾有禮貌，有啲重好肯解釋一啲關於貨品上嘅疑問，試過有一次我買件野本身有問題，佢重好樂意借個地方比我放件貨喺度，等代理更換。

有時啲野就係人夾人緣，真係覺得唔開心嘅，咪去過第二間買囉，買野玩求開心，唔洗太在意的，Goodluck !

呢間又話黑店，果間又話老闆串，成日都咒人几時執…唔怪之得廣華街啲鋪越執越少…遲啲大家上網買啦

有時上網買都可以出問題的，我試過上網睇到有存貨，明明落晒單，話明幾時去攞，去到先話你知有啲野無貨......不過我都無投訴，有時買野就係講彩數

其實去舖頭買永遠都係最好，睇啱，價錢覺得 OK，就買，唔洗估估下

希望大家都能夠多啲包容，唔好搞到第日全部變晒上樓舖，大家行起上嚟都唔方便啦～

RCandylau 發表於 2014-1-9 14:39
你直頭講緊KWS Andy佢爛面方國耳後見腮又爛口又臭串佢係老細,佢個款擺明唔優做架啦,3點先開, 我地慣左啦,你 ...

話需如此, 除左偉高, kws可以比車友入舖 window shop既, 好似都無咩邊間...sosad

wa原來咁多人受過佢氣我強調成間鋪得佢一個態度差  有個後生仔staff好好人  比錢買野都要無啦啦受咁多氣  講出黎等佢自己檢討下都應該  如果佢識反省既話  我本身都係鍾意去鋪頭多過網上買  始終有人情味d  但我去對面出名黑店個間  個老闆都唔會無啦啦黑我面啦下wa

我鍾意迎合佢舖名宗旨，系事前做足功課，之後即刻衝入去掃心頭好吾好咁多野問，到時佢又吾會煩你，你又吾會受氣，雙贏

哈哈  原來個名係咁解   對唔住我錯鳥

鬼叫的野平牙

其實同佢無仇, 我仲成日去,不過係提下D新人入去買野问野找呀dick ,比錢就比Andy, 問野唔好問andy

街市友幫年後又變上樓舖啦,皆因貴
樓上舖都好吖,起碼吾使同佢交貴租

遙控街實在名存實亡!!!
變成行內人先會上樓搵嘅RC玩意!!
呢個玩意如何發展???

好多行業都比自由行改變咗個生態，而家就連 KWS 都賣晒佢啲所需品，遲啲RC野真係全部變晒上樓舖

即係咁講，我未搞工房前去晒咁多間“所謂黑店”或黑面口店鋪，從未發生呢啲事。更唔好講宜家啲人認得我。最重要問題係，唔好講玩車，就算附近啲槍鋪都有類似情況，就係缺件或態度等。缺件原因好多時係賣貨時客想要乜，未有，就拆另一件貨出嚟俾人。所以有時搞到再賣時缺咗件，人地都唔係特登。第二，態度，的確唔可以用你去百老匯或連鎖店心態，另外有時人忙緊又可否忍耐下等等。仲有一点，問價，你問完就算，無謂話對面点点賣几錢…你都唔會走去百佳話惠康平你几多啦，鋪又唔多，唔啱咪唔好買囉，冇人逼㗎。

我自己唔係老闆，但我有時都會坐係啲遙控車鋪到幫下手…我都見唔少大爺買嘢係真係…當然，老闆係會對一啲一味問又唔買嘅人黑面，我都同意。不過咁你唔鍾意咪唔好買囉，仲有樓上鋪上網賣㗎。你又要幫襯，又要話人黑面，咁幫你唔到唧～

an400s 發表於 2014-1-9 16:40
話需如此, 除左偉高, kws可以比車友入舖 window shop既, 好似都無咩邊間...sosad

其實呢個都幾重要，而家啲舖仔滿晒嘢，特別係對我呢啲新手嚟講幾唔方便，因為有時唔係真係有嘢買，睇入去睇下學下，認識下啲實物，入到去老闆已經問你要乜.......去嘅時間都會有其他真係買嘢嘅客，咁好似阻住人地做生意咁......

買嘢其實都係見實物摸摸下買好，有選擇嘅都會去舖買，貴十幾廿蚊唔大問題，但如果比錢要受無謂氣嘅就真係要諗諗......
啲人係咪走晒去上網買都好睇服務嘅，唔係平就大晒.....(呢句唔係指某啲舖講嘅，只係個人 overall 嘅睇法)......

可能人緣掛，我又覺得Andy冇乜野，我而家先知佢係老細，開始係會比佢串下既，日子耐左都領悟倒少少相處之道。
我有個建議比新手，如果想搵好似孖星，yokomo呢d大牌子野，可以去左偉高八下件先，唔一定要問價，因為九成都係極速平過佢。
到你要買，咪直接問ANDY有冇果件野，有就比錢，冇就唔好多口。
偉高D人唔會話你唔買野就黑面，放心參觀。
極速始於空間有限，人多果陣問得多當然會燥燥地。
我都算係問題少年啊！但至少唔覺有邊間既老闆對我黑面。
重有一點就係唔好問d問題令佢覺得係問黎都多餘既就得啦！