服務奇差的cs

話說今日1:50幾分打電話上去安排攞在網上訂了的貨物。有個男人接電話，同佢講完話要攞貨，點知佢同我講，佢地食飯時間到2:00，要我2:00後再打來，比佢吹脹，食飯時間你可以唔接電話，接了又唔幫客人跟進，浪費時間。今時今日咁樣的服務態度，認真巴閉，只差幾分鐘時間都唔幫手，唔比叻你們都唔得。

據了解事件後, 今天CS同事都出去食飯, 由其他部門同事幫手接聽電話, 未知相關操作, 不便之處敬請原諒, 亦懇請各師兄於辦公時間致電CONFIRM訂單, 時間為 10:00 - 13:00 / 14:00 - 17:00, 謝謝

貴公司下次不如食飯時間飛線到錄音啦，免卻大家受氣

gum_yue 發表於 2015-7-22 23:39
貴公司下次不如食飯時間飛線到錄音啦，免卻大家受氣

師兄咁又唔好講到受氣咁嚴重, 果位同事只係叫師兄14:00後再打多次來

Dinballian 發表於 2015-7-24 14:13
師兄咁又唔好講到受氣咁嚴重, 果位同事只係叫師兄14:00後再打多次來

比人食番個飯得唔得呀。

年輕人！！去廣華街訂零件，去“極速“穿人褲浪買mini z車殼果D先係真正既比$受氣呀！

话明2点開工   1点幾打去人地仲係食飯時間

lung14682 發表於 2015-7-25 00:18
年輕人！！去廣華街訂零件，去“極速“穿人褲浪買mini z車殼果D先係真正既比$受氣呀！ ...

同意!重要黑口黑臉對住你除非你係熟客,所以我永不踏進極X

啊甘 發表於 2015-7-25 09:17
话明2点開工   1点幾打去人地仲係食飯時間

十份同意!以後辦公時間先好打去呀！

大家就一就吧，rcmart已經係非常有诚意的公司，好多難題都幫到手，非常感谢他們

bigcow 發表於 2015-7-29 10:53
大家就一就吧，rcmart已經係非常有诚意的公司，好多難題都幫到手，非常感谢他們 ...

非常認同!!!!!!

C兄當你去過大大聲,你就知道咩叫一流服務!!!
sorry講錯!唔係服務.果D叫面口!!

咁講啦, 未必人人都知你食飯時間
同時你PICK 左個電話你就係代表緊果間公司
作為客係會有個expectation 打緊CS 電話PICK 電話果個會係CS, 就會期望得到CS 既服務
你話如果人地係問啲九唔搭八野就係無理, 但唔熟/唔係CS 既同事PICK 個CS 電話又真係窄使啲

我都覺得最簡單就唔係office hour就唔pick 個電話, 又或者飛VM, 咁就唔會比打電話果個有錯既expectation pick 電話果個原來係幫唔到佢
就算比人嘈唔PICK 你non office hour 都大條道理, 最多人地話你SERVICE 唔夠
但唔會出現而家有人有service complaint

當然成件事而家搞清楚都係誤會啦. 希望大家都學到教訓

Tamago 發表於 2015-7-31 11:01
咁講啦, 未必人人都知你食飯時間
同時你PICK 左個電話你就係代表緊果間公司
作為客係會有個expectation 打 ...

咁我又真係覺得好奇怪，你打去一間公司，寧願無人聽，又或者有個機械人聽，都唔想有個真人話比你聽負責同事去咗食飯，CS都要食飯o架。

lung14682 發表於 2015-7-25 00:18
年輕人！！去廣華街訂零件，去“極速“穿人褲浪買mini z車殼果D先係真正既比$受氣呀！ ...

講得好!

香港RC業界來講 , RCMart 服務及效率算不錯了!
支持你RCmart 希望日後再做好D

真係睇到火都起，話食個安樂飯，今時今日做邊份工真係食飯時間可咩都唔做，除非你係老闆。差5分鐘就唔答我，你一係唔好接電話，接完電話講完一大輪就叫我2：00後再打去，我都唔想踢爆rcm，話唔係相關同事接電話唔識答，我2：00再打去都係同一個人接電話，點解2：00之後又識答識得跟單，2：00前就話唔識。你個肥仔同事咁快識分身?
試過買了野，臨上去攞野時再上網加單，去到再同你個肥仔同事講加左單，叫佢跟埋，點知話要打電話上來
confirm order再跟，大佬，我人都上到去，你幫我跟埋都唔肯，非要我打電話唔得，個刻嬲到，你個肥仔同事唔知話有性格定懶到出汁好，想問rcm你們是這樣做生意，這樣對待客人嗎？

首先要衷心多謝 gundum 師兄你既支持, 為今次師兄遇到不愉快既購物經驗, 我司深感抱歉.

現時將 13:00 - 14:00 設定係語音系統, 避免今次事件再度發生.

"試過買了野，臨上去攞野時再上網加單，去到再同你個靚仔同事講加左單，叫佢跟埋，點知話要打電話上來"

可能師兄有所誤會, CS同事是提醒師兄, 如果有加單, 係上來之前記得通知我地, 幫師兄你執左貨先, 你上到來先講, 就會上到來先處理, CS同事係唔想師兄等咁耐. 所以提議師兄如果有加單, 都可以係上來前通知我地, 咁上到來就可以拎埋架喇！不便之處, 敬請原諒.

另外再提提各位師兄簡單既購買步驟：

1. 請先在我們的網站 www.rcMart.com 下訂單，客戶可按 牌子 / 種類 / 套裝 / 特價品 等選擇喜愛的產品，
2. 在Check Out 時選擇自取 ( Hong Kong Store Pick Up by Yourself )，
3. 預計取貨前 1小時 致電本店 2858 6382 確認訂單，即 OID XXXXXX - 6個位數字 (請注意午膳時段為 13:00 至 14:00，此時段內電話跟取貨均會暫停)，
4. 我們會先準備你的訂單，按時親臨本店付款自取。

多謝支持

【好消息請廣傳】
為回饋香港客戶支持, 由2015年8月1日起至2015年12月31日, 香港訂單只需購物滿$200以上, 即可獲香港郵政免費送貨優惠！

簡單流程如下：https://goo.gl/AVNfu2

www.rcMart.com

Dinballian 發表於 2015-8-4 09:55
首先要衷心多謝 gundum 師兄你既支持, 為今次師兄遇到不愉快既購物經驗, 我司深感抱歉.

現時將 13:00 - 14 ...

你個肥仔同事同我講要我自己打電話CONFIRM ORDER,唔能夠上到來才CONFIRM ORDER,我仲同佢講你咁都唔幫手,如果係提我下次打左電話先再上來,就同我執埋貨出來,但佢無,嬲到我同你個肥仔同事講除消張單唔買,你們的好伙計幫緊你趕客.我想RCM你們應該知道我講緊邊位好同事,我上過去買野4次有3次都係這位肥仔同事招呼我.

再次為師兄遇到不愉快既購物經驗, 致歉及致力改善避免同樣事情再次發生. 多謝支持.

買一兩次就知佢地點運作架la, 我都試過一次lunch hour 摸門釘la, 下次咪醒d lu.
對比嗰d問問題都唔覆嗰d....咪少左個客lu